ក្បាច់ប៉ះក្បាច់! យ៉េន ឌីណា ប៉ះ ហ្វុនលួង ថ្ងៃអាទិត្យនេះនៅសង្វៀន PNN

2022-10-13 04:45:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ជំនួបតានតឹង និងជាការប្រកួតដែលអ្នកគាំទ្រគុនខ្មែរចង់ទស្សនាគឺមកដល់ហើយសប្ដាហ៍នេះលើសង្វៀន PNN រវាងកីឡាករល្អក្បាច់ យ៉េន ឌីណា នឹងត្រូវតតាំងជាមួយ ហ្វុនលួង។

ហ្វុនលួង ពេលស្មើ មេឃា

កីឡាករ យ៉េន ឌីណា បានលើកឡើងក្នុងកិច្ចសម្ភាសមួយថា ប៉ះ ហ្វុនលួង ថ្ងៃអាទិត្យនេះគឺមកជំនួសគេនោះទេ ពោលដឹងបានប្រហែលមួយសប្ដាហ៍ដែរ។ បើនិយាយពីសមត្ថភាពដៃគូវិញអ្នកប្រដាល់មកពីកោះកុងខាងលើបញ្ជាក់ច្បាស់ៗថា ហ្វុនលួង ជាកីឡាករថៃល្អមួយរូបល្អក្បាច់ជាពិសេសកម្លាំងតែម្ដង។

យ៉េន ឌីណា ប្រកួតកន្លងទៅ

ម្ចាស់មេដាយមាសស៊ីហ្គេម ២០២២ នៅវៀតណាមរូបនេះក៏មានក្ដីបារម្ភលើកម្លាំងស៊ុហ្វផងដែរ ព្រោះដឹងរៀងយឺតបន្តិច និងហ្វឹកហាត់ក៏មិនសូវបានច្រើនក្នុងការត្រៀមប៉ះជាមួយអ្នកលេងគុនថៃខាងលើ។ យ៉ាងណាក៏ដោយខ្លួននឹងប្រើបច្ចេកទេសដែលមានកន្លងមកឲ្យអស់ជាមួយ ហ្វុនលួង និងវ៉ៃតាមសម្រួលមិនបង្ខំនោះឡើយ ព្រោះដៃគូក៏ជាអ្នកក្បាច់ដូចគ្នា។

រំលឹកដែរថា យ៉េន ឌីណា ប្រហែល៣ខែមកនេះគឺមិនដែលឡើងសង្វៀននោះទេ។ បច្ចុប្បន្នរូបគេជាកីឡាករជម្រើសជាតិ និងកំពុងហ្វឹកហាត់ក្នុងស្តាតចាស់៕

អត្ថបទ៖ នួន ស៊ីណា