សហព័ន្ធប្រដាល់សកល៖ ការប្រកួតនៅប្រទេស Jordan ជាការតេស្តដ៏សំខាន់មុនស៊ីហ្គេម ២០២៣

2022-10-31 08:15:16
ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គលេខាធិការសហព័ន្ធប្រដាល់សកលកម្ពុជា ថាការចេញទៅចូលរួមប្រកួតកម្មវិធីជើងឯកអាស៊ី នៅប្រទេស Jordan លើកនេះជាការតេស្តសមត្ថភាពដ៏សំខាន់មុនឈានដល់ស៊ីហ្គេម ២០២៣ ខាងមុខនេះ។

ទិដ្ឋភាពចេញទៅ (រូបភាពផ្ដល់ជូន)

លោក ប៊ុយ សុភ័ណ្ឌ បានឲ្យដឹងថា ការចេញទៅប្រកួតលើកនេះជាឱកាសដ៏ល្អមួយបានតេស្តកីឡាករដើម្បីបានដឹងពីសមត្ថភាពឈានដល់កម្រិតណាបន្ទាប់បានហ្វឹកហាត់ជាមួយគ្រូកាហ្សាក់ស្ថានកន្លងទៅ។ ការប្រកួតជើងឯកអាស៊ីនៅប្រទេស Jordan គឺសហព័ន្ធបញ្ជូនតែកីឡាករប៉ុណ្ណោះ ព្រោះកម្រិតសមត្ថភាពអាចប្រកួតប្រជែងជាមួយគេបាន។ ដោយឡែកចំពោះផ្នែកនារីមិនបានបញ្ជូនទៅទេ ព្រោះមើលឃើញថាសមត្ថភាពនៅមានកម្រិត និងមានចំនួនតិច។

គ្រូបរទេសជម្រើសជាតិសកល(រូបសហព័ន្ធ)

កីឡាករដែលកម្ពុជាបញ្ជូនទៅចូលរួមនោះមាន ៦រូប គឺ សៅ រង្សី នូវ សុខទី ទូច ដេវីត វ៉េន រដ្ឋា ណាស្រេឌីនូវ អាន់វ៉ា រ៉ាចាពៅ អាប់ឌុលឡា។ ការប្រកួតនេះធ្វើឡើងចាប់ពីថ្ងៃទី៣០ ដល់ ១៣ ខែវិច្ឆិកា ឆ្នាំ២០២២៕

អត្ថបទ៖ នួន ស៊ីណា