Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

2024-12-25 01:32:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Pep Guardiola អ្នកចាត់ការរបស់មេឃខៀវបាននិយាយការពារខ្សែប្រយុទ្ធ Erling Haaland របស់ខ្លួន បន្ទាប់ពីរូបគេត្រូវបានអ្នកកាសែតសួរពីបញ្ហារកគ្រាប់មិនសូវបានក្នុងចំណោម១២ប្រកួតចុងក្រោយរកបានតែ៣គ្រាប់ក្នុងនាមជាខ្សែប្រយុទ្ធប្រអប់។

គេបានមើលឃើញថា Erling Haaland បានលេងពេញពេញ៩០នាទី ហើយគេក៏បានបរាជ័យក្នុងការរកគ្រាប់បាល់ជាថ្មីក្នុងជំនួបដែល Manchester City ចាញ់ Aston Villa ២-១ កាលពីពេលថ្មីៗនេះវាមានន័យថា ១២ប្រកួតចុងក្រោយ City ឈ្នះបានតែ១ប៉ុណ្ណោះក្នុងចំណោម១២ប្រកួតហើយក្នុងនោះចាញ់រហូតដល់ទៅ៩ប្រកួត។ មេឃខៀវ ធ្លាប់តែខ្លាំងនៅប៉ុន្មានរដូវកាលចុងក្រោយនេះរងបរាជ័យ៦ប្រកួតហើយនៅ English Premier League សម្រាប់រដូវកាលនេះ។

បុរសវ័យ៥៣ឆ្នាំបាននិយាយថា «វាមកពីយើងទាំងអស់គ្នា មិនមែនមកពីម្នាក់ណានោះទេ។ កាលពីមុនយើងរកគ្រាប់បាល់បាន Erling មានភាពរីកចំរើន និងកំពុងតែពេញល្អខ្លាំង។ គេបានជួយយើងច្រើននៅតំបន់ប្រអប់ ហើយពេលនេះក្រុមធ្លាក់ចុះគឺមកពីយើងគ្រប់គ្នា មិនមែនមកពីគេនោះទេ»។

«យើងមានបញ្ហាតំបន់បម្រើកណ្ដាល ប្រសិនបើយើងក្រឡេកទៅមើលបញ្ហារបស់យើងដែលកំពុងតែមាន។ វាមានភាពងាយស្រួលក្នុងការមើលឃើញណាស់ ហើយប្រសិនបើមកពីនរណាម្នាក់តើវាកើតឡើងដោយរបៀបណា។ បាទពិតណាស់រឿងគឺវាមកពីបែបនោះ»។ នេះជាការបន្ថែមរបស់ Pep ៕