ចូលរួមលើកទឹកចិត្តទាំងអស់គ្នា! កីឡាករប្រដាល់សកលកម្ពុជាឡើងទៅដណ្ដើមមេដាយមាស ASBC Asian U22

2023-01-24 06:39:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាដំណឹងល្អមួយសម្រាប់អ្នកគាំទ្រកម្ពុជា ចំពោះកីឡាករ រ៉ាចាពៅ អាប់ឌុលឡា កូនកាត់ខ្មែរ-អ៊ូបេគីស្ថាន ដែលបង្ហាញថ្វីដៃយ៉ាងល្អយកឈ្នះដៃគូឡើងទៅដណ្ដើមមេដាយមាស ក្នុងព្រឹត្តិការណ៍ជើងឯកអាស៊ី អាយុក្រោម ២២ឆ្នាំ (ASBC Asian U22) នៅប្រទេសថៃ។

រូបភាពផ្ដល់ជូន

នេះបើតាមការឲ្យដឹងពីសហព័ន្ធប្រដាល់សកលកម្ពុជាគឺកីឡាករកូនកាត់ខ្មែរ-អ៊ូបេគីស្ថាន រ៉ាចាពៅ អាប់ឌុលឡា បានយកឈ្នះកីឡាករ T.BAKYT របស់ប្រទេស Kyrgyzstan កាលពីម្សិលមិញនៅប្រទេសថៃ។

កីឡាករកម្ពុជាខាងលើនេះធ្វើបានល្អមែនទែន ពោលក្នុងចំណោមចៅក្រម៥រូប គឺ រ៉ាចាពៅ អាប់ឌុលឡា ឈ្នះ ៣-១ ចំណែកចៅក្រម១រូបទៀតផ្ដល់ពិន្ទុឲ្យស្មើគ្នា (២៨-២៨)។ ជ័យជម្នះមួយនេះគឺផ្ដល់មោទកភាព និងជាកំណត់ត្រាល្អថ្មីមួយសម្រាប់កម្ពុជាដែលឈ្នះឡើងទៅដល់វគ្គផ្ដាច់ព្រ័ត្រ ជើងឯកអាស៊ី អាយុក្រោម ២២ឆ្នាំ (ASBC Asian U22)។

រូបភាពផ្ដល់ជូន

ចំពោះវគ្គផ្ដាច់ព្រ័ត្រសហព័ន្ធប្រដាល់សកលនៅមិនទាន់បានបញ្ជាក់ថាកីឡាករ រ៉ាចាពៅ អាប់ឌុលឡា លើប្រភេទទម្ងន់ ៩២គីឡូក្រាមប្រកួតថ្ងៃនៅឡើយទេ។ ដោយឡែកកីឡាករ ពេញ វណ្ណថង ទម្ងន់ ៦៧គីឡូក្រាមរបស់កម្ពុជាមួយរូបទៀតក៏បានឈ្នះមេដាយសំរឹទ្ធ ១គ្រឿងផងដែរកាលម្សិលមិញនេះ៕