សហព័ន្ធ E-Sports បង្ហាញមុខក្រុមជម្រើសជាតិវិញ្ញាសា Mobile Legend តៀមប្រកួតស៊ីហ្គេម 2023

2023-04-01 05:53:59
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាអេឡិចត្រូនិកកម្ពុជា (E Sport) ម្សិលមិញនេះបានធ្វើសន្និសីទសារព័ត៌មានបង្ហាញកីឡាករ កីឡាការិនីជម្រើសជាតិ វិញ្ញាសា Mobile Legend Bang Bang ដើម្បីត្រៀមប្រជែងមេដាយនៅស៊ីហ្គេម លើកទី៣២ ខែឧសភា ២០២៣។

ឯកឧត្ដម លន់ សាមឌី

ឯកឧត្ដម លន់ សាមឌី អគ្គលេខាធិការសហព័ន្ធ E-Sports បានឲ្យដឹងថា តាមបទពិសោធប្រកួតស៊ីហ្គេមកន្លងទៅគឺពិសេសវិញ្ញាសា Mobile Legend Bang Bang ធ្វើមិនបានល្អនោះទេ ព្រោះតែកីឡាករ កីឡាការិនី ដែលចេញទៅនោះគឺបានមកពីក្រុមឈ្នះជើងឯកដែលបង្កើតដោយខ្លនឯង។ កីឡាករ កីឡាការិនី ដែលចេញទៅកាលនោះជាក្រុមដែលពួកគេបានបង្កើត។

លោក ធី វាយ

ជាទស្សនៈវិស័យរបស់ឯកឧត្ដម ជា ចាន់បរិបូរណ៍ គឺត្រូវធ្វើយ៉ាងណាចម្រាញស្វែងរកជើងខ្លាំងនិមួយៗដើម្បីប្រមូលផ្ដុំគ្នាបង្កើតបានជាក្រុមមួយដែលខ្លាំង និងពោរពេញដោយសមត្ថភាព។ នៅពេលនេះសហព័ន្ធបានជម្រើសរើសបានហើយ។ ជំហានបន្ទាប់ទៅនេះគឺក្រុមជម្រើសរើសជាតិទាំងផ្នែកបុរស និងនារី ត្រូវប្រមូលផ្ដុំស្នាក់នៅហ្វឹកហាត់ជាមួយគ្រូជំនាញដើម្បីត្រៀមស៊ីហ្គេម ខែឧសភានេះ។

ទិដ្ឋភាពម្សិលមិញ

លោក ធី វាយ អគ្គនាយកក្រុមហ៊ុន T.Y Media បានឲ្យដឹងដែរថា លោកគឺនៅតែបន្តជួយដល់សហព័ន្ធកីឡាករ កីឡាការិនីជម្រើសជាតិជានិច្ចដើម្បីសម្រេចជ័យជម្នះនៅស៊ីហ្គេមប្រវត្តិសាស្ត្ររបស់កម្ពុជា។ លោកបន្ថែមទៀតថាគឺពិតជាចង់ឃើញកីឡាករ កីឡាការិនីផ្នែក E-Sports ឈ្នះមេដាយណាមួយខ្លាំងណាស់នៅស៊ីហ្គេមនេះ ដូច្នេះសូមប្រឹងប្រែងក្នុងការហ្វឹកហាត់ឲ្យបានល្អជាការត្រៀមនៅខែឧសភានេះ។

ទិដ្ឋភាពម្សិលមិញ

រំលឹកដែរថា សន្និសីទសារព័ត៌មានប្រកាសក្រុមជម្រើសជាតិវិញ្ញាសា Mobile Legend Bang Bang នេះធ្វើឡើងកាលពីម្សិលមិញនៅក្រសួងព័ត៌មាន។ ក្នុងនោះដែរក៏មានការចូលរួមជាអធិបតីភាពពីក្រុមហ៊ុនឧបត្ថម្ភដូចជា T.Y Media HONDA WOWNOW និងក្រុមហ៊ុនផ្សេងទៀតផងដែរ៕

អត្ថបទ៖ នួន ស៊ីណា