ប្រធានសហព័ន្ធតេក្វាន់ដូ WT៖ Korean Ambassador's Cup Taekwondo គឺដើម្បីវាស់ស្ទង់កម្រិតបច្ចេកទេស

2023-06-15 04:43:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានសហព័ន្ធតេក្វាន់ដូ WT ការប្រកួតពានរង្វាន់ Korean Ambassador's Cup Taekwondo ២០២៣ កាលពីម្សិលមិញនេះគឺដើម្បីវាស់ស្ទង់សមត្ថភាពកម្រិតបច្ចេកទេស និងជាការត្រៀមខ្លួនសម្រាប់ការប្រកួតកម្រិតអន្តរជាតិនានាពេលខាងមុខ។

រូបភាពផ្ដល់ជូន

ឯកឧត្ដម ហង់ជូន ណារ៉ុន ប្រធានសហព័ន្ធតេក្វាន់ដូ WT បានឲ្យដឹងថា ការប្រកួតពានរង្វាន់ខាងលើនេះគឺដើម្បីវាស់ស្ទង់កម្រិតសមត្ថភាពបច្ចេកទេសកីឡាករ កីឡាការិនី និងជាការត្រៀមខ្លួនសម្រាប់ចូលរួមការប្រកួតអន្តរជាតិផ្សេងៗនៅពេលខាងមុខ។ ឯកឧត្ដមក៏សូមថ្លែងអំណរគុណដល់ស្ថានទូតសាធារណរដ្ឋកូរ៉េដែលបានឧបត្ថម្ភគាំទ្រ និងផ្ដល់ឱកាសដល់សហព័ន្ធដើម្បីបានផ្សព្វផ្សាយក្បាច់គុនដល់ប្រជាពលរដ្ឋទូទៅ។

ឯកឧត្ដម ហង់ជូន ណារ៉ុន

ប្រធានសហព័ន្ធខាងលើបន្ថែមទៀតថា តាមការឃើញផ្ទាល់កីឡាករ កីឡាការិនី ទាំងអស់ខិតខំប្រឹងប្រែងប្រកួតអស់ពីសមត្ថភាពដើម្បីដណ្ដើមជ័យជម្នះ។ ឯកឧត្ដមសង្ឃឹមថាអ្នកដែលមិនទទួលបានជ័យជម្នះមិនអស់សង្ឃឹមហើយត្រៀមខ្លួនសម្រាប់ការប្រកួតផ្សេងៗទៀត។

រូបភាពផ្ដល់ជូន

បញ្ជាក់ដែរថា ការប្រកួតពានរង្វាន់ Korean Ambassador's Cup Taekwondo ២០២៣ នេះគឺធ្វើឡើងកាលពីថ្ងៃទី១៤ ខែមិថុនា នៅសាលហ្វឹកហាត់តេក្វាន់ដូប៊ូយ៉ុង។ ក្លឹបចូលរួមប្រកួតប្រជែងមាន៤ក្លឹបគឺ ភ្នំពេញ ខេត្តកណ្ដាល បាត់ដំបង សៀមរាប។ សរុបគ្រូបង្វឹក កីឡាករ កីឡាការិនីចំនួន ៣៣៥នាក់៕