Pogba ត្រូវបានខាងអារ៉ាប៊ីសាអ៊ូឌីតចូលចែចូវ
- 2023-07-11 10:59:30
- ចំនួនមតិ 0 | ចំនួនចែករំលែក 0
Pogba ត្រូវបានខាងអារ៉ាប៊ីសាអ៊ូឌីតចូលចែចូវ
ចន្លោះមិនឃើញ
ខ្សែបម្រើសញ្ជាតិបារាំងកីឡាករ Paul Pogba ត្រូវបានក្លឹបនៅប្រទេសអារ៉ាប៊ីសាអ៊ូឌីតចូលចែចូវ។ នេះបើតាមការចុះផ្សាយរបស់សារព័ត៌មានបារាំង L'Equipe ហើយរាយការណ៍ដោយ Goal។
យ៉ាងណាមិញ កីឡាកររូបនេះបដិសេធសំណើរបស់ខាងអារ៉ាប៊ីសាអ៊ូឌីត ដោយសារតែខ្លួនចង់ជាប់លេងក្រុមជម្រើសជាតិបារាំងសម្រាប់ព្រឹត្តិការណ៍បាល់ទាត់អឺរ៉ុប UEFA Euro Championship ដែលនឹងប្រព្រឹត្តិទៅនៅឆ្នាំ២០២៤ខាងមុខនេះ។
ទោះជាបែបនេះក្ដី កីឡាកររូបនេះត្រូវបានគេប្រទះឃើញធ្វើដំណើរទៅអារ៉ាប៊ីសាអ៊ូឌីតកាលពីពេលថ្មីៗនេះ ដែលជះជាមន្ទិលសង្ស័យក្រែងលោមានកិច្ចព្រមព្រៀងណាមួយជាមួយខាងអារ៉ាប់។
សូមបញ្ជាក់ផងដែរថា Pogba នាពេលនេះកំពុងតែនៅលេងឱ្យក្លឹប Juventus។ យ៉ាងណាមិញ កីឡាកររូបនេះហាក់ដូចជាមិនសូវមានសំណាងសោះ ដោយសារតែរបួសតាមញាំញីជានិច្ចនៅមួយរយៈចុងក្រោយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
