សេត រ៉ស៊ីប៖ សរសើរក្រុមបឹងកេតចំណុចនេះមុនការប៉ះគ្នាសប្ដាហ៍ទី៩ ស្អែកនេះ...

2023-10-27 05:21:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពាររបស់ក្រុមស្វាយរៀង សេត រ៉ស៊ីប បានសរសើរក្រុមបឹងកេត ថាសំបូរកីឡាករល្អៗ និងមានសមត្ថភាពពិសេសក្នុងការស្វែងរកគ្រាប់បាល់ ដូច្នេះការប៉ះគ្នាសប្ដាហ៍ទី៩ ស្អែកនេះជាការប្រកួតលំបាកមួយ។

រ៉ស៊ីប (រូបភាពហ្វេសបុកស្វាយរៀង)

កីឡាករ សេត រ៉ស៊ីប បានលើកឡើងថា ចំពោះការត្រៀមខ្លួនសម្រាប់ការប្រកួតស្អែកនេះជាមួយក្រុមបឹងកេត រូបគេផ្ទាល់ក៏ដូចជាក្រុមទាំងមូលបានហ្វឹកហាត់តាមផែនការរបស់គ្រូរួចហើយ។ រូបគេជឿជាក់ថាការប្រកួតជាមួយបឹងកេតស្អែកនេះជាការប្រកួតលំបាកមួយសម្រាប់ស្វាយរៀង។

(រូបភាពហ្វេសបុកស្វាយរៀង)

បន្ថែមពីនេះទៀត រ៉ស៊ីប សរសើរក្រុមបឹងកេត សំបូរកីឡាករល្អៗដែលមានសមត្ថភាពច្រើនក្នុងការស្វែងរកគ្រាប់បាល់ ឬទាត់បញ្ចូលទីដៃគូ។ យ៉ាងណាគ្រូបង្វឹករបស់ខ្លួនក៏បានបង្ហាត់ និងរៀបចំយុទ្ធសាស្ត្រទប់ទល់ជាមួយបឹងេតរួចមកហើយដែរ។ ជាមួយគ្នានេះដែរ សេត រ៉ស៊ីប ក៏បានសំណូមពរដល់អ្នកគាំទ្រឲ្យមកចូលរួមទស្សនាការប្រកួតនេះឲ្យបានច្រើនដើម្បីលើកស្ទួយវិស័យកីឡាបាល់ទាត់នៅកម្ពុជា។

(រូបភាពហ្វេសបុកបឹងកេត)

បញ្ជាក់ដែរថា លីគកំពូលកម្ពុជា (Cambodia Premier League) ឈានដល់សប្ដាហ៍ទី៩ ហើយនៅចុងសប្ដាហ៍នេះ។ សម្រាប់គូបើកឆាកដំបូងនៅថ្ងៃសៅរ៍នេះគឺ ក្រុមបឹងកេត ប៉ះ ព្រះខ័នរាជស្វាយរៀង វេលាម៉ោង ៦ល្ងាចក្នុងពហុកីឡដ្ឋានជាតិ៕