ក្រសួងការងារ ទើបតែចេញថ្ងៃឈប់សម្រាកថ្មីសម្រាប់ឆ្នាំ២០២៤ ដោយបន្ថែមថ្ងៃឈប់១ថ្ងៃទៀត

2024-01-17 02:21:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងការងារ និងបណ្តុះបណ្តាលវិជ្ជាជីវៈ បានចេញប្រកាសស្តីការឈប់បុណ្យដែលមានប្រាក់ឈ្នួល ប្រចាំឆ្នាំ២០២៤ ដោយបានបន្ថែមថ្ងៃឈប់ ១ថ្ងៃទៀត គឺនៅថ្ងៃទី២៩ ខែធ្នូ ដែលជាទិវាសន្តិភាពនៅកម្ពុជា។

ជារួម ចំពោះបុណ្យដែលត្រូវបានឈប់សម្រាកនេះ រួមមាន ទិវាចូលឆ្នាំសាកល, ទិវាជ័យជម្នះលើរបបប្រល័យពូជសាសន៍, ទិវានារីអន្តរជាតិ, ពិធីបុណ្យចូលឆ្នាំខ្មែរ, ទិវាពលកម្មអន្តរជាតិ, ព្រះរាជពិធីបុណ្យចម្រើនព្រះជន្ម ព្រះមហាក្សត្រ, បុណ្យវិសាខបូជា, ព្រះរាជពិធីច្រត់ព្រះនង្គ័ល, ព្រះរាជពិធីបុណ្យចម្រើនព្រះជន្ម សម្តេច ព្រះមហាក្សត្រី, ទិវាប្រកាសរដ្ឋធម្មនុញ្ញ, ពិធីបុណ្យភ្ជុំបិណ្ឌ, ទិវាប្រារព្ធពិធីគោរពព្រះវិញ្ញាក្ខន្ធ ព្រះបរមរតនកោដ្ឋ, បុណ្យឯករាជ្យជាតិ ព្រះរាជពិធីបុណ្យអុំទូក និង ទិវាសន្តិភាពនៅកម្ពុជា។ ដូច្នេះ ថ្ងៃឈប់សម្រាកសរុបមានដល់ ២៣ថ្ងៃ។

ក្រសួងការងារ បញ្ជាក់ថា ចំពោះសហគ្រាស គ្រឹះស្ថានទាំងឡាយណា ដែលកម្មវត្ថុអាជីវកម្មមានចរិតលក្ខណៈសកល ត្រូវប្រព្រឹត្តទៅជាប្រចាំ និងមិនអាចបញ្ឈប់សកម្មភាពបាន ហើយការឈប់សម្រាកបុណ្យនៃកម្មករនិយោជិតទាំងអស់ព្រមគ្នាក្នុងពេលតែមួយ នាំឱ្យខូចប្រយោជន៍ដល់សាធារណជន ឬក៏ធ្វើឱ្យខូចដំណើរការរបស់សហគ្រាស គ្រឹះស្ថាន នោះម្ចាស់ ឬនាយកសហគ្រាស គ្រឹះស្ថាន ត្រូវរៀបចំបែងចែកឱ្យកម្មករនិយោជិត បានឈប់សម្រាកទៅតាមថ្ងៃបុណ្យនីមួយៗដោយផ្លាស់ប្តូរគ្នា៕