សហព័ន្ធកីឡាចំបាប់៖ ឆ្នាំ២០២៤ នេះនឹងជំរុញការប្រកួតឲ្យបានច្រើនពិសេសតាមបណ្ដាខេត្ត

2024-01-24 04:14:43
ចំនួនមតិ 0 | ចំនួនចែករំលែក 0

ចន្លោះមិនឃើញ

អនុប្រធានសហព័ន្ធកីឡាចំបាប់កម្ពុជា ថានៅឆ្នាំ២០២៤ នេះសហព័ន្ធនឹងជំរុញឲ្យមានការប្រកួតកាន់តែខ្លាំងពិសេសនៅតាមបណ្ដាខេត្តដូចជាខេត្តកណ្ដាល វិហារសួគ៌ និងខេត្តពោធិ៍សាត់ជាដើម។

លោក ខេស៊ី បាណេត

លោក ខេស៊ី បាណេត អនុប្រធានសហព័ន្ធបានឲ្យដឹងថា នៅឆ្នាំ២០២៤ នេះនឹងមានការប្រកួតយ៉ាងហោចណាស់២ដងនៅក្នុងខេត្តកណ្ដាល វិហារសួគ៌ និងខេត្តពោធិ៍សាត់ នាឱកាសបុណ្យភ្ជុំបិណ្ឌ និងបុណ្យកឋិនជាដើម។

គោលបំណងនៃការជំរុញឲ្យមានជាការប្រកួតនៅតាមបណ្ដាខេត្តឲ្យបានច្រើនបែបនេះគឺអាចសង្ឃឹកទាក់ទាញយុវជនបានច្រើនជាងដើម្បីចូលហាត់រៀនលើប្រភេទកីឡាចំបាប់នេះ។ នេះជាការស្វែងរកនូវធនធានមានសមត្ថភាពបន្ថែមទៀតដើម្បីផ្ដល់ឱកាសបានប្រកួតតំណាងប្រទេសជាតិលើឆាកអន្តរជាតិដូចជាស៊ីហ្គេម លើកទី៣៣ នៅថៃ និងប្រកួតជើងឯកយុវជនអាស៊ី ឆ្នាំ២០២៩។

ការប្រកួតកន្លងទៅ

បញ្ជាក់ដែរថា ការថ្លែងរបស់លោក ខេស៊ី បាណេត នេះគឺនៅក្នុងឱកាសនៃពិធីបិទការប្រកួតជ្រើសរើសជើងឯកថ្នាក់ជាតិ ឆ្នាំ២០២៣ ដែលទើបបញ្ចប់កាលពីថ្ងៃទី២១ ខែមករា ឆ្នាំ២០២៤ ក្នុងពហុកីឡដ្ឋានជាតិ។ លោក ខេស៊ី បាណេត ជាអនុប្រធានសហព័ន្ធ និងបុគ្គលដែលស្រឡាញ់ លើកស្ទួយខ្លាំងលើវិស័យកីឡាចំបាប់នៅកម្ពុជា៕