ធ្វើការបានប្រាក់ខែ ១ ៥០០ ០០០រៀល មិនជាប់ពន្ធទេ តែបើលើស ១រៀល ជាប់ពន្ធ ៥%
- 2024-03-28 07:13:24
- ចំនួនមតិ 0 | ចំនួនចែករំលែក 0
ធ្វើការបានប្រាក់ខែ ១ ៥០០ ០០០រៀល មិនជាប់ពន្ធទេ តែបើលើស ១រៀល ជាប់ពន្ធ ៥%
ចន្លោះមិនឃើញ
យោងតាមអនុក្រឹត្យស្តីពី កម្រិតប្រាក់បៀវត្សជាប់ពន្ធប្រចាំខែ និងកម្រិតប្រាក់ចំណូលជាប់ពន្ធប្រចាំឆ្នាំ ចុះកាលពីថ្ងៃទី១១ ខែមីនា ឆ្នាំ២០២៤ ឱ្យដឹងថា កម្រិតប្រាក់បៀវត្សជាប់ពន្ធប្រចាំខែ និងអត្រាពន្ធសម្រាប់និយោជិតនិវាសនជន ត្រូវបានកំណត់ដូចខាងក្រោម៖
១. ប្រាក់បៀវត្ស ពី ០ ដល់ ១ ៥០០ ០០០រៀល អត្រាពន្ធ ០%។
២. ប្រាក់បៀវត្ស ពី ១ ៥០០ ០០១រៀល ដល់ ២ ០០០ ០០០រៀល អត្រាពន្ធ ៥%។
៣. ប្រាក់បៀវត្ស ពី ២ ០០០ ០០១រៀល ដល់ ៨ ៥០០ ០០០រៀល អត្រាពន្ធ ១០%។
៤. ប្រាក់បៀវត្ស ពី ៨ ៥០០ ០០១រៀល ដល់ ១២ ៥០០ ០០០រៀល អត្រាពន្ធ ១៥%។
៥. ប្រាក់បៀវត្ស លើសពី ១២ ៥០០ ០០០រៀល អត្រាពន្ធ ២០%។
យ៉ាងណាមិញ ផ្អែកលើការបង្ហាញភស្តុតាងនៃស្ថានភាពគ្រួសារ និយោជិតនិវាសនជន ត្រូវបានទទួលនូវការកាត់បន្ថយមូលដ្ឋានកំណត់ពន្ធដូចខាងក្រោម៖
ក-កូនស្ថិតក្នុងបន្ទុកចំនួន ១៥០ ០០០រៀល ក្នុងកូនម្នាក់ៗក្នុងមួយខែ។
ខ-សហព័ទ្ធដែលធ្វើតែជាមេផ្ទះចំនួន ១៥០ ០០០រៀល សម្រាប់តែម្នាក់ក្នុងមួយខែ។
ក្នុងករណីសហព័ទ្ធក្នុងគ្រួសារបម្រើការងារទាំងពីរនាក់ ការកាត់បន្ថយដូចមានចែងក្នុងវាក្យខណ្ឌ ក នៃកថាខណ្ឌនេះ ត្រូវបានផ្តល់ឱ្យតែសហព័ទ្ធម្នាក់ប៉ុណ្ណោះ៕