ដោយសារកៅអីដឹកនាំអង់គ្លេសនៅទំនេរ ឥឡូវបុរសម្នាក់នេះកំពុងស្ថិតក្នុងជម្រើស

2024-08-08 01:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Carsley ដែលទើបដឹកនាំ U21 អង់គ្លេសលើកពាន European Championship 2023 បានសម្រេច ក្រោយខកខានអស់រយៈពេល៣៩ឆ្នាំ ពេលនេះបុរសវ័យ៥០ឆ្នាំកំពុងប៉ងចង់ចូលសាកល្បងតំណែងដ៏ក្ដៅជំនួសលោក Gareth Southgate ដែលបានលាឈប់។

វាមិនមែនជារឿងថ្មីទេសម្រាប់សហព័ន្ធបាល់ទាត់អង់គ្លេស ដែលយកអ្នកដឹកនាំនៅឈុត U21 ឡើងមកកាន់ឈុតធំជាក់ស្ដែងដូចជាលោក Stuart Pearce និងលោក Southgate ជាដើមសុទ្ធតែធ្លាប់កាន់ U21 អង់គ្លេសទាំងអស់។

Southgate បានចូលខ្លួនឡើងមកកាន់ឈុតធំក្រោយកាន់ U21 អស់រយៈពេល៣ឆ្នាំ ហើយការចូលដឹកនាំជម្រើសជាតិអង់គ្លេស៨ឆ្នាំលោកក៏បានសាងកំណត់ត្រាល្អផងដែរក្នុងនោះរួមមានឡើងដល់វគ្គពាក់កណ្ដាលផ្ដាច់ព្រ័ត្រ World Cup 2018 , ឡើងដល់វគ្គ៨ក្រុមចុងក្រោយ World Cup 2022 , EURO ឡើងដល់ផ្ដាច់ព្រ័ត្រ២លើកគឺនៅឆ្នាំ២០២១ និង ២០២៤ដែលថ្មីៗនេះចាញ់អេស្ប៉ាញ។

យ៉ាងណាតំណែងដែលកំពុងគ្មានអ្នកដឹកនាំសហព័ន្ធបាល់ទាត់អង់គ្លេសក៏កំពុងតែស្វែងរកអ្នកជំនួសលោក Southgate ផងដែរ ដើម្បីត្រៀមខ្លួនចូលរួមការប្រកួតNations League នាខែក្រោយនេះទល់ក្រុម សាធារណរដ្ឋអៀរឡង់ និងហ្វាំងឡង់ ។

សូមបញ្ជាក់ថា បច្ចុប្បន្ននេះលោក Carsley បច្ចុប្បន្ននេះមានវ័យ៥០ឆ្នាំលោកគឺជាអតីតខ្សែបម្រើល្បីឈ្មោះរបស់ក្រុមបាល់ទាត់ Derby និង Everton កាលលោកនៅអាយុ១៧ឆ្នាំ។ លោកក៏ធ្លាប់ដឹកនាំ Coventry, Brentford និង Birmingham មុនពេលលោកចូលកាន់ជម្រើសជាតិ U21 ឆ្នាំ២០២០៕

ប្រភព៖ BBC Daro Ly