VKH Rally Racing លទ្ធផលមិនគាប់ប្រសើរមែន ប៉ុន្តែកម្ពុជាមានមុខប្រកួតប្រជែងជាមួយក្រុមធំៗដែលចំណាយរាប់ម៉ឺនដុល្លារ

2024-08-19 03:12:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្រុម VKH Rally Racing របស់កម្ពុជា ថាបើទោះជាលទ្ធផលមិនល្អគាប់ប្រសើរដូចនូវអ្វីដែលចង់បានក្ដី ប៉ុន្តែកម្ពុជាបានបង្ហាញពីភាពរីកចម្រើនលើវិស័យ Rally រហូតមានមុខប្រកួតប្រជែងជាមួយបណ្ដាក្រុមខ្លាំងៗ និងចំណាយលុយច្រើនលើការប្រកួតនៅប្រទេសថៃលើកនេះ។

កីឡាករ វង្ស គឹមហួត បានឲ្យដឹងក្រោយការបញ្ចប់ការប្រកួតថា ពិតជារឿងសោកស្ដាយ និងនឹកស្មានមិនដល់ចំពោះការប្រកួតប៉ុន្មានថ្ងៃកន្លងទៅនេះ ពោលការត្រៀមខ្លួនជាស្រេចល្អគ្រប់យ៉ាងទៅហើយតែឈានដល់ថ្ងៃប្រកួតជួបបញ្ហាជាបន្តបន្ទាប់។ បញ្ហាអំឡុងពេលប្រណាំងនោះមានដូចជាបញ្ហាម៉ាស៊ីន បញ្ហាប្រអប់លេខ នាំឲ្យកម្ពុជាមនបញ្ហាត្រូវដោះស្រាយជាបន្តបន្ទាប់ធ្វើឲ្យក្រុមការងារផ្នែក Support លំបាកខ្លាំងជាងលើកមុនទៅទៀត។

លទ្ធផលមិនល្អដូចទៅនិងការរំពឹងទុក្ខក្ដី ប៉ុន្តែវាជាការបង្ហាញថាកម្ពុជាមានភាពរីកចម្រើនទាំងសមត្ថភាព បច្ចេកទេសរហូតអាចចូលរួមប្រកួតប្រជែងជាមួយក្រុមធំៗដែលចំណាយខ្ទង់រាប់ម៉ឺនដុល្លារលើវិស័យកីឡា Rally ផ្សេងៗទៀតបាន។ កម្ពុជាបច្ចុប្បន្នក៏ជាឧបសគ្គមួយសម្រាប់ក្រុមដទៃដែរមិនដូចពីមុននោះឡើយ។

បញ្ជាក់ថា ព្រឹត្តិការណ៍ប្រណាំងរថយន្តឆ្លងកាត់ឧបសគ្គ ឆ្នាំ២០២៤ ( Asia Cross Country Rally 2024 ) ចំពោះលទ្ធផលលេខ១ បានទៅក្រុមប្រណាំង Toyota Gazoo Racing Thailand លេខ២ និងលេខ៣ បានលើក្រុមប្រណាំង Isuzu Suphan លេខ៤ ក្រុមប្រណាំង Toyota Gazoo Racing Indonesia និងលេខ៥ ក្រុមប្រណាំង Mitsubishi Ralliart រីឯក្រុម VKH Racing កម្ពុជា ទទួលបាន លេខ៨ Class សាំង និងឈ្នះពាន Special Award ៕