Gundogan ត្រលប់មកកាន់ Man City វិញជាផ្លូវការ
- 2024-08-23 13:04:34
- ចំនួនមតិ 0 | ចំនួនចែករំលែក 0
Gundogan ត្រលប់មកកាន់ Man City វិញជាផ្លូវការ
ចន្លោះមិនឃើញ
ខ្សែបម្រើ Ilkay Gundogan បានចាកចេញពីក្លឹប Barcelona ត្រលប់មកកាន់ក្លឹប Manchester City វិញជាផ្លូវការនៅក្នុងថ្ងៃនេះ។ បើយោងតាមការចុះផ្សាយរបស់ក្លឹបផ្ទាល់។
តាមពិតទៅដំណឹងក្នុងការត្រលប់មកវិញគឺត្រូវបានគេដឹងឮប៉ុន្មានសប្ដាហ៍ទៅហើយ ព្រោះកាលពីពេលថ្មីៗនេះ Gundogan ត្រូវបានគេរាយការណ៍ថា បានមកកាន់ទឹកដីអង់គ្លេសដើម្បីជួបជាមួយលោក Pep Gurdiola ផ្ទាល់ដើម្បីពិភាក្សារឿងដោះដូរនេះ។
ព័ត៌មានមួយចំនួនក៏ត្រូវបានគេដឹងថា ការចាកចេញរបស់គេគឺដើម្បីជួយដល់ Barcelona ក្នុងការសម្រេចបំណងទិញយក Dani Olmo ពី RB Leipzig ព្រោះស្ថានភាពហិរញ្ញវត្ថុរបស់ក្លឹបមិនបានធ្វើទៅបាន ប្រសិនបើ Gundogan មិនចាកចេញ។
កីឡាករនេះផ្លាស់មកកាន់ Man City ដោយមានកុងត្រារយៈពេល ១ឆ្នាំ។ Gundogan បានបង្ហាញភាពរីករាយយ៉ាងខ្លាំងក្រោយផ្លាស់មក Man City នេះ។
ចំពោះ Man City គឺស្វាគមន៍កីឡាករនេះជាខ្លាំង ព្រោះកីឡាករនេះធ្លាប់ជាកីឡាកររបស់ Man City កាលពីឆ្នាំ២០១៦ រហូតមកដល់ឆ្នាំ២០២៣ ដោយចូលលេងបាន ៣០៤លើក និងស៊ុតចូល ៦០គ្រាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
