Van Nistelrooy និយាយពីអនាគតរបស់ខ្លួនក្រោយ Man Utd ចង់យកគ្រូថ្មីចូល

2024-10-31 06:26:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតជាគ្រូជំនួយ និងជាគ្រូបណ្ដោះអាសន្នរបស់ Manchester United បច្ចុប្បន្នលោក Van Nistelrooy កំពុងស្ថិតក្នុងមន្ទិលថា នឹងបន្តនៅក្លឹបនេះឬក៏ចាកចេញក្រោយពេលដែលពេលនេះបិសាចក្រហមកាន់តែខិតជិតនាំយកលោក Ruben Amorim អ្នកចាត់ការរបស់ Sporting បច្ចុប្បន្ន។

អតីតខ្សែប្រយុទ្ធរបស់បិសាចក្រហមរូបនេះឆ្លើយដោយគ្មានការសង្ស័យឡើយជុំវិញសំនួរដែលសួរទាក់ទងនឹងអនាគតរបស់ខ្លួនគឺលោកនៅ បិសាចក្រហមព្រោះតែចិត្តស្រលាញ់ និងចង់ជួយក្លឹបមួយនេះប៉ុណ្ណោះ។ «ខ្ញុំនៅទីនេះគឺដើម្បីជួយ Man United ហើយនឹងផ្ដល់អ្វីគ្រប់យ៉ាងដែលខ្ញុំមានទៅកាន់ក្លឹប»។ នេះជាការសម្ដីរបស់ Van Nistelrooy ។

អតីតអ្នកចាត់ការរបស់ PSV រូបនេះបន្ថែមទៀតថា លោកនឹងជួយទៅតាមអ្វីដែលក្លឹបផ្ដល់ឱកាសឲ្យ វាសំខាន់ស្ថិតនៅលើក្លឹបចង់ឲ្យលោកជួយនៅពេលណា ព្រោះលោកនៅទីនេះគឺមានគោលដៅរបស់លោករួចទៅហើយ។ លោកមានទិសដៅ និងការងារជួយរៀបចំ និងទិសដៅដើម្បីរៀបចំប្រពន្ធប្រយុទ្ធឲ្យបានខ្លាំង។ ប្រសិនបើសួរលោកថា តើនឹងមានការប្រែប្រួលទេទៅថ្ងៃមុខ ប្រសិនបើក្លឹបមិនធ្វើការដកលោកចេញទេនោះចម្លើយគឺលោកមិនមានចិត្តផ្លាស់ប្ដូរឡើយ។

សូមបញ្ជាក់ថា Van Nistelrooy ជាអតីតវីរបុរសម្នាក់របស់បិសាចក្រហម និងជាខ្សែប្រយុទ្ធម្នាក់ដ៏មុតស្រួចផងដែរ ខណៈបច្ចុប្បន្នគេមានជំនាញក្នុងការរៀបចំប្រពន្ធប្រយុទ្ធរបស់បិសាចក្រហម និងបានចូលខ្លួនដឹកនាំប្រកួតទី១យកឈ្នះទៅលើ Leicester City ៥-២ ថែមទៀតផង៕

Daro Ly