កាំង ម៉ុយនីន៖ ជោគជ័យទាំងហែលទឹក និងការសិក្សា ខណៈទើបឈ្នះមេដាយ ៦គ្រឿងពីរព្រឹត្តិការណ៍ហែលទឹកពាក់ជើងទាអាស៊ីអាគ្នេយ៍

2024-11-07 17:54:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីឆ្នើមរបស់កម្ពុជា កាំង ម៉ុយនីន បញ្ជាក់ថាខ្លួនពិតជាជម្នះធ្វើបានគឺជោគជ័យទាំងកីឡាហែលទឹក និងការសិក្សា ដោយទើបជាប់បាក់ឌុបផង និងទើបឈ្នះមេដាយ ៦គ្រឿងពីព្រឹត្តិការណ៍ប្រកួតហែលទឹកពាក់ជើងទាអាស៊ីអាគ្នេយ៍ផង។

រូបភាពសហព័ន្ធខ្មែរកីឡាហែលទឹក

យុវតី កាំង ម៉ុយនីន បង្ហាញក្ដីរំភើបជាខ្លាំងបន្ទាប់ពីរូបគេទទួលបានជោគជ័យជាបន្តបន្ទាប់ពីការឈ្នះមេដាយសរុប ៦គ្រឿងនៅព្រឹត្តិការណ៍ប្រកួតហែលទឹកពាក់ជើងទាអាស៊ីអាគ្នេយ៍ ដែលកម្ពុជាជាម្ចាស់ផ្ទះផង និងលទ្ធផលជាប់បាក់ឌុបនិទ្ទេស B ថ្មីៗនេះទៀត។

រូបភាពសហព័ន្ធខ្មែរកីឡាហែលទឹក

ម្ចាស់មេដាយមាសស៊ីហ្គេម ឆ្នាំ២០២៣ រូបនេះបន្ថែមទៀតថា ខ្លួនពិតជាមានមោទកភាពជាខ្លាំងក្នុងនាមជាកីឡាការិនីផង និងជាសិស្សផងដែលធ្វើបានល្អទទួលបានជោគជ័យបែបនេះ។ ម៉ុយនីន បញ្ជាក់ច្បាស់ៗថា «ការលេងកីឡាមិនអាចបញ្ឈប់អ្នកពីការសិក្សាបាននោះទេ»។ ការប្ដេជ្ញាចិត្តរបស់កីឡាការិនីឆ្នើមរូបនេះចាប់តាំងពីបញ្ចប់ព្រឹត្តិការណ៍ស៊ីហ្គេម ឆ្នាំ២០២៣ មកម្ល៉េះរហូតសម្រេចបានប្រឡង់ជាប់បាក់ឌុបនៅឆ្នាំនេះ។

រូបភាពសហព័ន្ធខ្មែរកីឡាហែលទឹក

បញ្ជាក់ដែរថា កាំង ម៉ុយនីន ជាកីឡាការិនីឆ្នើមមួយរូបរបស់កម្ពុជា ពិសេសលើវិញ្ញាសាហែលពាក់ជើងទានេះតែម្ដង។ ជើងខ្លាំងរូបនេះទើបឈ្នះមេដាយ ៦គ្រឿង មាស២ ប្រាក់៣ សំរឹទ្ធ១ ក្នុងព្រឹត្តិការណ៍ប្រកួតហែលទឹកពាក់ជើងទា អាស៊ីអាគ្នេយ៍ លើកទី១ នៅកម្ពុជា។ សហព័ន្ធខ្មែរកីឡាហែលទឹកបានរៀបចំការប្រកួតហែលទឹកពាក់ជើងទា អាស៊ីអាគ្នេយ៍ លើកទី១ នេះកាលពីថ្ងៃទី១ ដល់ ៥ ខែវិច្ឆិកា ឆ្នាំ២០២៤ នៅក្នុងពហុកីឡដ្ឋានជាតិ៕