ឯកឧត្ដម សាយ ណូរ៉ា៖ កីឡាករ កីឡាការិនីត្រូវខំប្រឹងប្រែងឲ្យអស់ពីសមត្ថភាពក្នុងការប្រកួតជើងឯកថ្នាក់ជាតិកីឡាការ៉ាតេនេះ

2024-12-20 16:23:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជ្រើសរើសជើងឯកថ្នាក់ជាតិ ឆ្នាំ២០២៤ កីឡាការ៉ាតេ បានបើកជាផ្លូវការហើយកាលពីព្រឹកមិញនេះក្រោមអធិបតីភាពឯកឧត្ដម សាយ ណូរ៉ា អនុប្រធានសហព័ន្ធ ខណៈការប្រកួតនេះនឹងដំណើរការរហូតដល់ថ្ងៃទី២២ ខែធ្នូ នៅសកលវិទ្យាល័យភ្នំពេញ។

ថ្លែងក្នុងពិធីបើកការប្រកួតព្រឹកមិញនេះឯកឧត្ដម សាយ ណូរ៉ា អនុប្រធានសហព័ន្ធកីឡាការ៉ាតេកម្ពុជា បានលើកទឹកចិត្តដល់យុវជន កីឡាករ កីឡាការិនីទាំងអស់ត្រូវខំប្រឹងប្រែងប្រកួតឲ្យអស់ពីសមត្ថភាពដើម្បីបញ្ជាក់ពីភាពក្លាហាន និងខ្លាំងពូកែដែលហ្វឹកហាត់ត្រៀមកន្លង។

អនុប្រធានសហព័ន្ធបានផ្ដាំផ្ញើបន្ថែមទៀតថា សូមកីឡាករដែលចូលរួមទាំងអស់ត្រូវយកទីលានប្រកួតនេះដើម្បីអភិវឌ្ឍន៍សមត្ថភាពខ្លួនយកបទពិសោធល្អៗទាំងនេះចូលរួមពង្រីកផ្សព្វផ្សាយ និងជួយឲ្យកីឡាការ៉ាតេកាន់តែរីកចម្រើនថែមទៀត។

បញ្ជាក់ដែរថា ការប្រកួតជ្រើសរើសជើងឯកថ្នាក់ជាតិកីឡាការ៉ារតេ ឆ្នាំ២០២៤ នេះធ្វើឡើងចាប់ពីថ្ងៃទី១៩ ដល់ ២២ ខែធ្នូ នៅសកលវិទ្យាល័យភូមិន្ទភ្នំពេញ។ ក្លឹបចូលរួមសរុប ២៨ និងមានប្រតិភូ គ្រូបង្វឹក កីឡាករ កីឡាការិនីសរុប ១៣៣នាក់៕