ការសិក្សាថ្មីមួយបានបង្កឱ្យមានការភ្ញាក់ផ្អើល និងការជជែកវែកញែកទូទាំងពិភពលោក ដោយអះអាងថាបុរសដែលមានច្រមុះធំទំនងជាមានលិង្គធំជាងបុរសដែលមានច្រមុះតូច។ របកគំហើញនេះ ដែលត្រូវបានបោះពុម្ពផ្សាយនៅក្នុងទស្សនាវដ្តីវេជ្ជសាស្ត្រអន្តរជាតិមួយ បានធ្វើឱ្យមានការចាប់អារម្មណ៍យ៉ាងខ្លាំងទាំងក្នុងចំណោមអ្នកវិទ្យាសាស្ត្រ និងសាធារណជន។

អ្នកស្រាវជ្រាវមកពីសាកលវិទ្យាល័យនៅប្រទេសជប៉ុន និងសហរដ្ឋអាមេរិក បានវាស់ទំហំច្រមុះ និងលិង្គរបស់បុរសជាង ១,៥០០ នាក់ ដែលមានអាយុចន្លោះពី ២០ ទៅ ៥០ ឆ្នាំ។ លទ្ធផលបានបង្ហាញថា បុរសដែលមានច្រមុះវែងជាង ២.២ អ៊ីញ (ប្រហែល ៥.៥ សង់ទីម៉ែត្រ) មានលិង្គបណ្តោយជាមធ្យម ៥.៣ អ៊ីញ (ប្រហែល ១៣.៥ សង់ទីម៉ែត្រ) នៅពេលឡើងរឹង។ ផ្ទុយទៅវិញ បុរសដែលមានច្រមុះខ្លីជាងនេះមានលិង្គបណ្តោយជាមធ្យមត្រឹម ៤.១ អ៊ីញ (ប្រហែល ១០.៤ សង់ទីម៉ែត្រ)។

លោកវេជ្ជបណ្ឌិត រេណា ម៉ាលីក (Rena Malik) អ្នកឯកទេសខាងជំងឺប្រព័ន្ធទឹកនោមនៅរដ្ឋកាលីហ្វ័រញ៉ា បាននិយាយថា “យើងមិនទាន់យល់ច្បាស់ពីមូលហេតុនៃទំនាក់ទំនងនេះទេ ប៉ុន្តែវាអាចទាក់ទងនឹងកត្តាហ្សែន ឬការវិវត្តន៍រាងកាយ។ វាមិនមែនជារឿងចៃដន្យទេ ហើយការសិក្សានេះបានបញ្ជាក់ថាមានទំនាក់ទំនងជាក់លាក់”។

ការសិក្សានេះបានធ្វើឱ្យមានការពិភាក្សាយ៉ាងផុសផុលនៅលើបណ្តាញសង្គម។ អ្នកលេងបណ្តាញសង្គម មួយចំនួនបានសរសើរការរកឃើញនេះជាមួយនឹងការលើកឡើងកំប្លែងថា “ច្រមុះធំមិនត្រឹមតែសម្រាប់ដកដង្ហើមទេ!” ខណៈអ្នកផ្សេងទៀតបានសង្ស័យលើភាពត្រឹមត្រូវ ដោយលើកឡើងថាការសិក្សានេះធ្វើឡើងលើគំរូតូច និងមានដែនកំណត់។

អ្នកខ្លះបានបន្ថែមថា ជំនឿចាស់ៗដែលថាទំហំជើង ឬដៃបង្ហាញពីទំហំលិង្គអាចនឹងត្រូវបានជំនួសដោយ “ទ្រឹស្តីច្រមុះ” ថ្មីនេះ។ ទោះជាយ៉ាងណា អ្នកវិទ្យាសាស្ត្របានប្រាប់ថា លទ្ធផលនេះមិនមែនជាការវាស់វែងច្បាស់លាស់សម្រាប់បុគ្គលគ្រប់រូបទេ ហើយត្រូវការការស្រាវជ្រាវបន្ថែម។

រឿងនេះបានបង្កឱ្យមានសំណួរកាន់តែច្រើន៖ តើរាងកាយផ្នែកណាទៀតអាចបង្ហាញពីអ្វីដែលយើងមិនធ្លាប់គិតដល់? សម្រាប់ពេលនេះ ច្រមុះធំហាក់ដូចជាកំពុងទទួលបានការចាប់អារម្មណ៍ថ្មីមួយ។

ប្រភព៖ nypost   អត្ថបទ ៖ គីម ណារ៉ាក់