ឥឡូវនេះ Nokia លើកស្លាក Microsoft យ៉ាងចំហតែម្តង
- 2014-10-03 21:56:30
- ចំនួនមតិ 0 | ចំនួនចែករំលែក 0
ឥឡូវនេះ Nokia លើកស្លាក Microsoft យ៉ាងចំហតែម្តង
ចន្លោះមិនឃើញ
ស្លាកពាណិជ្ជនាម Microsoft ត្រូវគេលើកដំឡើងនៅខាងមុខអាគារ denano biz center ដែលជាទីតាំងអាគារការិយាល័យកណ្ដាលរបស់ក្រុមហ៊ុន Nokia ប្រចាំនៅកម្ពុជាកាលពីម្សិលមិញនេះ។ ការលើកស្លាក Microsoft ជំនួស Nokia នេះ នាំឲ្យគេសង្ស័យថាផលិតផលទូរសព្ទរបស់ Nokia ពិតជានឹងត្រូវបាត់ឈ្មោះពីទីផ្សារនៅពេលខាងមុខនេះមែនទែនហើយ ដូចព័ត៌មានចុះផ្សាយកន្លងមក។
បុគ្គលិកជាន់ខ្ពស់របស់ក្រុមហ៊ុន Nokia នៅកម្ពុជាមួយរូបបានឲ្យ Sabay ដឹងថា ស្លាក Microsoft នេះក្រុមហ៊ុនទើបតែយកទៅដំឡើងនៅខាងមុខការិយាល័យកណ្ដាលក្រុមហ៊ុននៅអាគារ denano biz center តាមបណ្ដោយមហាវិថីឆេកូស្លូវ៉ាគីកាលពីម្សិលមិញនេះ។
លោកថា ការលើកស្លាកនេះបានន័យថា Microsoft ពេលនេះបានក្លាយជាម្ចាស់គ្រប់គ្រងផលិតផលទូរសព្ទ Nokia បន្ទាប់ក្រុមហ៊ុនបានទិញយកសិទ្ធិអាជីវកម្មផលិតផលទូរសព្ទចល័ត និងអាជ្ញាប័ណ្ណប៉ាតង់របស់ក្រុមហ៊ុននេះកាលពីឆ្នាំ ២០១៣។
កាលពីឆ្នាំ ២០១៣ ក្រុមហ៊ុន Microsoft បានទិញយកអាជីវកម្មផលិតផលទូរសព្ទចល័ត និងអាជ្ញាប័ណ្ណប៉ាតង់របស់ក្រុមហ៊ុន Nokia ខណៈក្រុមហ៊ុនរបស់ប្រទេសហ្វាំងឡង់មួយនេះ ដែលធ្លាប់ជាក្រុមហ៊ុនផលិតទូរសព្ទចល័តធំជាងគេរបស់ពិភពលោក បានបាត់បង់ចំណែកទីផ្សារទូរសព្ទរបស់ខ្លួន ដោយសារផលិតផលទូរសព្ទរបស់គូប្រជែងជាពិសេសក្រុមហ៊ុន Apple និង Samsung។ ការទិញយករបស់ Microsoft ធ្វើឲ្យគេសង្ស័យពីការប្រើប្រាស់ឈ្មោះផលិតផលទូរសព្ទ Nokia ដែលធ្លាប់ជាស្លាកយីហោទូរសព្ទដ៏ល្បីនឹងអាចបាត់បង់នៅពេលអនាគត។
ចុចអាន៖ រថក្រោះទំនើប និងថ្លៃបំផុតក្នុងលោក ពីរជារបស់អាស៊ី អាមេរិកធ្លាក់ទៅចុងគេ
ចុចអាន៖ នាវាមុជទឹកផ្ទាល់ខ្លួនចេញហើយ តែតម្លៃដល់ទៅ ១,៦លានដុល្លារឯណោះ
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
