កម្ពុជា បញ្ជូនអត្តពលិក ៣ នាក់ទៅប្រកួត Asian Para Games នៅកូរ៉េខាងត្បូង
- 2014-10-12 22:14:13
- ចំនួនមតិ 0 | ចំនួនចែករំលែក 0
កម្ពុជា បញ្ជូនអត្តពលិក ៣ នាក់ទៅប្រកួត Asian Para Games នៅកូរ៉េខាងត្បូង
ចន្លោះមិនឃើញ
គណៈកម្មាធិការជាតិ ប៉ារ៉ាឡាំពិកកម្ពុជា បានសម្រេចបញ្ជូនអត្តពលិករបស់ខ្លួនចំនួន ៣ រូបទៅចូលរួមប្រកួតក្នុងព្រឹត្តិការណ៍កីឡា Asian Para Games 2014 ដែលរៀបចំនៅទីក្រុង Incheon ប្រទេសកូរ៉េខាងត្បូង ចាប់ពីថ្ងៃទី ១៨ ដល់ ២៤ តុលា ឆ្នាំ ២០១៤។
ក្រុមកម្ពុជា មុនចេញដំណើរ
កីឡាករទាំង ៣ រូបរួមមាន កីឡាករ ជឹម ផាន ប្រកួតវិញ្ញាសារត់ចម្ងាយ ១០០ម៉ែត្រ, ៤០០ម៉ែត្រ និង ៨០០ម៉ែត្រ។ ចំណែកកីឡាករ ២ រូបផ្សេងទៀតមាន វ៉ាន វ៉ុន និង សេង សាវឿន ប្រកួតរទេះប្រណាំង លើវិញ្ញាសា ១០០ម៉ែត្រ ២០០ម៉ែត្រ និង៤០០ម៉ែត្រដូចគ្នា ។
ក្រុមកម្ពុជា ដឹកនាំដោយឯកឧត្ដម យី វាសនា អគ្គលេខាធិការ គណៈកម្មាធិការជាតិប៉ារ៉ាឡាំពិកកម្ពុជា នឹងចេញដំណើរទៅកូរ៉េខាងត្បូង នៅវេលាម៉ោង ១០ យប់ថ្ងៃទី ១២ តុលា នេះតាមជើងហោះហើរផ្ទាល់ពីភ្នំពេញ ទៅកូរ៉េខាងត្បូង តែម្ដង។
Asian Para Games 2014 ត្រូវបានបង្កើតឡើងបានម្ដងហើយកាលពីឆ្នាំ ២០១០ ពោលគឺបន្ទាប់ពីកីឡាករ Asian Games។ ការប្រកួតកីឡានេះគឺបើកឱ្យចូលប្រកួតតែសម្រាប់បងប្អូនកីឡាករ កីឡាការិនី ជាជនពិការតែប៉ុណ្ណោះ។ សម្រាប់ការប្រកួតលើកទី២ នេះមានដាក់កីឡាឱ្យប្រកួតចំនួន ២៣ ដែលមានអត្តពលិកចូលរួមចំនួន ៤៥០០ នាក់មកពី ៤១ ប្រទេសក្នុងទ្វីបអាស៊ី៕
អត្ថបទ៖ ម៉ឺន រស្មី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
