តារាម៉ូដែល យ៉ាន់ ស្រីពេជ្រ ទទួលបានបរិញ្ញាបត្រម្សិលមិញ

2015-10-20 16:03:39
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាម៉ូដែល យ៉ាន់ ស្រីពេជ្រ ទើបទទួលបានបរិញ្ញាបត្រមួយកាលម្សិលមិញនេះ បន្ទាប់ពីចំណាយពេលតស៊ូសិក្សារយៈពេល៤ឆ្នាំរួចមក។

បរិញ្ញាបត្រដែល យ៉ាន់ ស្រីពេជ្រ ទទួលបាននោះគឺជំនាញ"គ្រប់គ្រងពាណិជ្ជកម្ម" ដោយនាងបានចំណាយពេលសិក្សារយៈពេល៤ឆ្នាំនៅសាកលវិទ្យាល័យឯកជនមួយ។ តារាម៉ូដែលម្នាក់នេះ ប្រាប់ថា ក្នុងរយៈពេលសិក្សាថ្នាក់បរិញ្ញាបត្រនេះមានភាពលំបាកខ្លាំងណាស់ ត្បិតអី ត្រូវរៀនផង និងឆ្លៀតប្រឡូកសិល្បៈផង។ តែបែបនេះក្ដី មិនបានប៉ះពាល់ដល់ការសិក្សារបស់ខ្លួនឡើយ។ "ច័ន្ទ ដល់ សុក្រ ហ្នឹងត្រូវទៅរៀន ហើយសៅរ៍ - អាទិត្យ ខ្ញុំខំរកលុយ ព្រោះអីការងារសិល្បៈរវល់តែចុងសប្ដាហ៍ទេ"។

យ៉ាន់ ស្រីពេជ្រ គ្រោងបន្តយកថ្នាក់អនុបណ្ឌិត ឬបណ្ឌិតថែមទៀត ប៉ុន្តែមិនទាន់ធ្វើនៅពេលនេះឡើយ នាងចង់ធ្វើការមួយរយៈសិន ប៉ុន្តែប្រសិនបើមានអ្នកចេញថ្លៃសិក្សាឲ្យនោះ នាងនឹងបន្តភ្លាមៗតែម្ដង។"ខ្ញុំចង់ធ្វើការសិន តែបើមានអ្នកឧបត្ថម្ភលុយឲ្យរៀន ខ្ញុំបន្តយកតែម្ដង តែមើលទៅមិនដឹងម៉េចម៉ាទេ ព្រោះថ្នាក់អនុបណ្ឌិតហ្នឹងថ្លៃណាស់" តារាម៉ូដែលវ័យ២៤ឆ្នាំថ្លែងលាយនឹងសំណើច។

ដើម្បីកុំឲ្យសញ្ញាបត្រដែលនាងប្រឹងខិតខំយ៉ាងលំបាក ក្លាយទៅជាអត់ប្រយោជន៍ ស្រីពេជ្រ ប្រាប់ថា នាងនឹងព្យាយាមរកការងារមួយឲ្យសមទៅនឹងជំនាញរបស់ខ្លួន ហើយចំពោះការងារសិល្បៈវិញ នៅតែបន្ត មិនបោះបង់ឡើយ ត្បិតអីអាជីពដើរម៉ូដនេះ គឺជាប្រភពចំណូលធំរបស់នាង៕