ក្រុមបាល់ទាត់នារីវិទ្យាល័យហ៊ុន សែន ឈើទាលបានកៅអីទៅប្រកួតពានថ្នាក់ខេត្ត

2016-02-05 22:07:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់នារីនៃវិទ្យាល័យ ហ៊ុន សែន ឈើទាលបានយកឈ្នះក្រុមបាល់ទាត់នារីវិទ្យាល័យហ៊ុនសែនបារាយណ៍ដោយលទ្ធផល ៣-០ កាលពីម្សិលមិញនេះ ដើម្បីយកកៅអីមួយទៅប្រកួតពានរង្វាន់បាល់ទាត់ស្ត្រីថ្នាក់ខេត្តតាកែវក្នុងឆ្នាំ២០១៦នេះ។

ក្រុមបាល់ទាត់នារីនៃវិទ្យាល័យ ហ៊ុន សែន ឈើទាល ជាក្រុមខ្លាំងមួយនៅស្រុកដូនកែវ ខេត្តតាកែវ ហើយការប្រកួតកាលពីម្សិលមិញនេះ ពួកគេធ្វើបានយ៉ាងល្អដោយស៊ុតចូលក្រុមបាល់ទាត់នារីវិទ្យាល័យហ៊ុនសែនបារាយណ៍មួយគ្រាប់នៅត្រឹមតង់ទីមួយ។ ចូលដល់តង់ទីពីរ ក្រុមវិទ្យាល័យហ៊ុន សែន ឈើទាលនៅតែរក្សាទម្រង់លេងល្អដដែល ដោយស៊ុតបាន២គ្រាប់ទៀត ដើម្បីយកជ័យជម្នះ ៣-០។

លោក ព្រំ សុខុន ជាគ្រូបង្វឹកកីឡាបាល់ទាត់នារីមកពីវិទ្យាល័យហ៊ុន សែន ឈើទាល បានឱ្យដឹងថាសាលារបស់លោកបង្កើតកីឡាបាល់ទាត់ស្ត្រីឡើងក្នុងគោលបំណងលើកកម្ពស់ការលេងកីឡាដល់សិស្សស្រីឱ្យដូចនៅប្រទេសជិតខាងដែរ៕

អត្ថបទនិងរូបថត: ជិនវេន

មានអត្ថបទថ្មី និង ប្លែកៗ កើតមានគ្រប់ទីកន្លែង ប្រិយមិត្តចង់រាយការណ៍ ឬ ចង់ឲ្យ Sabay ចុះផ្សាយ សូមទំនាក់ទំនងតាម៖

-លេខទូរសព្ទ៖ 099 588 880

-អ៊ីមែល៖ bin.bunna@cidc.com.kh

ចង់ដឹងលក្ខខណ្ឌដើម្បីសរសេរផ្ញើមកកាន់ Sabay បានសូមចុចត្រង់នេះ!