ភស្តុតាងថ្មីមួយបញ្ជាក់ថា Note 6 ពិតជាមាន RAM 6GB និងមិនជ្រាបទឹកថែមទៀត

2016-04-18 15:35:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះមានជនអនាមិកមួយរូបដែលអះអាងថាខ្លួនជាបុគ្គលិករបស់ក្រុមហ៊ុន Samsung បានផ្ញើរូបមួយសន្លឹកទៅកាន់វិបសាយ Phone Arena ដែលរូបនោះមានបង្ហាញព័ត៌មានខ្លះៗពី Galaxy Note 6។

យោងតាមរូបភាពបានបង្ហាញថា Galaxy Note 6 នឹងមានលេខម៉ូដែល SM-N930 ដោយមានអេក្រង់ទំហំ ៥,៧៧អ៊ីញ ជាមួយ Resolution កម្រិត 1440x2560 QuadHD។ មិនតែប៉ុណ្ណោះវាមានបំពាក់ RAM ទំហំដល់ទៅ 6GB រួមទាំងអង្គផ្ទុកទិន្នន័យក្នុងម៉ាស៊ីនទំហំ 32GB ផងដែរ។

តាមប្រភពបានឲ្យដឹងទៀតថា Note 6 នឹងមានការរចនារូបរាងស្រដៀងទៅនឹង Galaxy S7 និង Galaxy Note 5 ដោយមានកម្រាស់រាងក្រាស់ជាងមុនបន្តិច។ ចំពោះបន្ទះ Chip វិញគឺមានបំពាក់ដោយ Samsung Exynos 8890 SoC ព្រមទាំងមានថាមពលថ្មកម្រិត 3700mAh។

ចំណុចពិសេសមួយរបស់ Note 6 គឺថាវានឹងជាត្រកូល Galaxy Note ដំបូងគេដែលនឹងមានបំពាក់បច្ចេកវិទ្យាមិនជ្រាបទឹក IP68។ គួរបញ្ជាក់ថាត្រកូល Note ជំនាន់ចុងក្រោយនេះ អាចនឹងបង្ហាញខ្លួននាពាក់កណ្ដាលខែកក្កដាខាងមុខ នេះបើយោងតាមពាក្យចចាមអារ៉ាមបានផ្សព្វផ្សាយកន្លងមក៕

ចុចអាន៖ កម្មវិធីទូរសព្ទល្អៗដែលក្រុមហ៊ុន Apple យល់ថាគ្រប់គ្នាគួរដំឡើង

ប្រែសម្រួល៖ ហៃ សុខហេង ប្រភព៖ PhoneArena