មាសថន ស្រីណៃ៖ ខ្ញុំធ្លាក់ពីលើដើមឈើ ហើយបាក់ទាំងដើមខ្ទេចទៀត

2016-05-26 14:11:24
ចំនួនមតិ 0 | ចំនួនចែករំលែក 0

ចន្លោះមិនឃើញ

វ័យកុមារ ជាវ័យមួយដែលត្រូវបានគេចាត់ទុកជាវ័យដ៏រពឹសចាប់មិនឈ្នះ ក្នុងនោះរួមទាំង ថន ស្រីណៃ ម្នាក់ដែរ កាលនៅកុមារភាព នាងប្រាប់ថានៅមិនស្ងៀមបានធ្លាក់ពីលើដើមឈើ រហូតបាក់ទាំងដើមក៏មាន។ ស្រីណៃ ថ្លែង៖ “ចាំម្ដងនោះ ខ្ញុំបានឡើងដើមទៀប ឡើងជិតដល់ចុងស្រាប់តែបាក់ដើមធ្លាក់មកដល់ដី តែសំណាងល្អមិនត្រូវរបួសខ្លាំងគ្រាន់តែរលាត់តិចតួច "។

តួឯកស្រីក្នុងរឿង "សង្គ្រាមបងប្អូន" បន្តឲ្យដឹងទៀតថា កាលនៅតូចរពឹសដូចសត្វស្វាចាប់មិនឈ្នះឡើយ ទោះឪពុកម្ដាយឃាត់ឃាំងក៏នាងនៅតែចចេសដែរ។ ៖ "បើនិយាយពីថាធ្លាក់វិញ គឺសឹងតែគ្រប់ដើមឈើ មានដើមដូង ស្វាយ ដើមឬស្សី ក៏បងឡើងដែរ បើរពឹសវិញដូចស្វាចឹង គ្មានអ្នកណាចាប់ឈ្នះទេ។ ឡើងដើមឈើម្ដងៗទាល់តែលួច ព្រោះប៉ាម៉ាក់អត់ឲ្យឡើងទេខ្លាចមានគ្រោះថ្នាក់"។

យ៉ាងណាមិញតួស្រីក្នុងរឿង “បងស្រលាញ់អូនស្បៀន” អះអាងថា មិនអាចឡើងដើមឈើលេងដូចកាលពីមុនទេ ដោយសារឥឡូវនេះរូបរាងកាយធំជាងមុន និងមានអារម្មណ៍ខ្លាច៕

អត្ថបទ៖ ថា ម៉ាលីដា