អ្នកគាំទ្រអាចបោះឆ្នោតរើស "Fifa's world player of the year ”
- 2016-11-01 15:00:23
- ចំនួនមតិ 0 | ចំនួនចែករំលែក 0
អ្នកគាំទ្រអាចបោះឆ្នោតរើស "Fifa's world player of the year ”
ចន្លោះមិនឃើញ
សហព័ន្ធបាល់ទាត់ពិភពលោកហៅកាត់ថា FIFA បានបង្កើតរូបមន្តឲ្យអ្នកគាំទ្ររួមចំណែករើសកីឡាករបាល់ទាត់ល្អប្រចាំឆ្នាំ ( Fifa's world player of the year)។
ការបង្កើតធ្វើឡើងបន្ទាប់ពី ពានរង្វាន់ខាងលើបានប្រកាសបំបែកខ្លួនចេញពី Ballon d'Or នៅដើមឆ្នាំនេះ។ ជយលាភីកីឡាករបាល់ទាត់ល្អបំផុតប្រចាំឆ្នាំគឺជាពានមួយក្នុងចំណោមពាន៨ ដែលនឹងត្រូវប្រកាសនៅកម្មវិធី Best Fifa Football Awards ធ្វើឡើងក្នុងទីក្រុងហ្សូរីច ថ្ងៃទី៩មករា ឆ្នាំក្រោយ។
លក្ខខណ្ឌនៃការផ្ដល់ពិន្ទុលើកីឡាករល្អបំផុតត្រូវបែកចែកជា២ផ្នែកធំៗក្នុងនោះគឺផ្នែកទី១ ៥០% ត្រូវបោះឆ្នោតដោយប្រធានក្រុម និងគ្រូបង្វឹកនៃក្រុមជម្រើសជាតិនៃបណ្ដាប្រទេសជាសមាជិក FIFA ហើយផ្នែកទី២ ៥០%ទៀតគឺត្រូវបោះដោយអ្នកគាំទ្រជុំវិញពិភពលោកតាមរយៈប្រព័ន្ធអ៊ីនធឺណិត និងបោះដោយតំណាងបណ្ដាសារព័ត៌មានច្រើនជាង២០០នៅជុំវិញពិភពលោក។
FIFA ធ្លាប់បង្កើតពាន World Player of the Year ម្ដងរួចមកហើយពីចន្លោះឆ្នាំ ១៩៩១ ដល់២០០៩ ប៉ុន្តែក្រោយមកបានភ្ជាប់គ្នាជាមួយពាន Ballon d'Or ដែលបង្កើតដោយទស្សនាវដ្ដីបារាំងនៅ៦ឆ្នាំចុងក្រោយ មានន័យថាកីឡាករដែលឈ្នះ Ballon d'Or គឺជាជ័យលាភីកីឡាករឆ្នើមពិភពលោក។ យ៉ាងណាក៏ដោយពេលនេះ ពានទាំង២ត្រូវផ្ដាច់ខ្លួនចេញពីគ្នាសារជាថ្មី៕
ពានទាំង៨ដែលនឹងប្រកាសជ័យលាភីនៅខែមករាដោយ FIFA មានដូចជា៖
The Best Fifa Men's Player 2016 The Best Fifa Women's Player 2016 The Best Fifa Men's Coach 2016 The Best Fifa Women's Coach 2016 The Fifa Puskas Award 2016 (for goal of the year) The Fifa Fair Play Award 2016 The Fifa Fan Award 2016 Fifa FifPro World11
ប្រែសម្រួល៖ វីរ៉ុត ប្រភព៖ BBC