បែកធ្លាយបញ្ជីឈ្មោះ 2016 FIFPro World XI មានកីឡាករ Real ច្រើនជាងគេ
- 2017-01-03 09:41:33
- ចំនួនមតិ 0 | ចំនួនចែករំលែក 0
បែកធ្លាយបញ្ជីឈ្មោះ 2016 FIFPro World XI មានកីឡាករ Real ច្រើនជាងគេ
ចន្លោះមិនឃើញ
FIFPro World 11 ដែលជាក្រុមកីឡាករល្អបំផុតទាំង១១នាក់របស់ FIFA ប្រចាំឆ្នាំ២០១៦ គឺជាអ្វីដែលអ្នកគាំទ្រវិស័យបាល់ទាត់កំពុងរង់ចាំលទ្ធផលបោះឆ្នោត។ ប៉ុន្តែពេលនេះ មានការបែកធ្លាយបញ្ជីឈ្មោះមុន ដោយឃើញថា មានកីឡាករមកពីក្រុម Real Madrid ច្រើនជាងគេ ៥នាក់ និងមកពីក្រុម Barcelona ៤នាក់។
កាលដើមខែធ្នូ FIFPro បានប្រកាសឈ្មោះកីឡាករទាំង៥៥នាក់ ដែលជាបេក្ខភាព អាចនឹងជាប់ឈ្មោះក្នុង 2016 FIFPro World XI។ FIFPro World XI គឺបោះឆ្នោតដោយកីឡាករអាជីព ខណៈដែលលទ្ធផលជាផ្លូវការ នឹងប្រកាសនៅពិធីប្រគល់ពានរង្វាន់ Best FIFA Football Awards នៅទីក្រុង Zurich នាថ្ងៃទី០៩ ខែមករាខាងមុខនេះ។
បើតាមការបែកធ្លាយនេះ កីឡាករ Real Madrid ៥នាក់បានជាប់ឈ្មោះ ក្នុងនោះមាន Sergio Ramos, Marcelo, Toni Kroos, Luka Modric និង Cristiano Ronaldo។ រីឯក្រុម Barcelona មាន៤នាក់គឺ Gerard Pique, Andres Iniesta, Neymar និង Messi ក្រៅពីនោះមានអ្នកចាំទី Manuel Neuer របស់ក្រុម Bayern Munich និងខ្សែការពារ Thiago Silva របស់ PSG ប៉ុន្តែ Gareth Bale និង Antoine Griezmann ពុំមានឈ្មោះនឹងគេនោះទេ៕