ទស្សនៈគ្រូស្វាយរៀង ពីរបៀបការពាររបស់ ណុប តុលា ដែលធ្លាប់ជាខ្សែប្រយុទ្ធ

2017-02-03 07:43:49
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សំ វ៉ាន់ដេត គ្រូបង្វឹកក្រុមព្រះខ័នរាជស្វាយរៀង បញ្ចេញទស្សនៈចំពោះទម្រង់ការពាររបស់ ណុប តុលា ដែលធ្លាប់ជាខ្សែប្រយុទ្ធឆ្នើមមួយរូប។

មានសមត្ថភាពការពារបាល់បានល្អ
លេងនៅតំបន់ការពារងាយស្រួលជាងប្រយុទ្ធ
ផ្លាស់ប្ដូរមកលេងនៅតំបន់ការពារ ពីព្រោះបំពេញតម្រូវការរបស់ជម្រើសជាតិ

ខ្សែការពារ ណុប តុលា ធ្លាប់ជាខ្សែប្រយុទ្ធមួយរូបដែលមានភាពប៉ិនប្រសព្វក្នុងការសម្រេចគ្រាប់បាល់។ ប៉ុន្តែនាកំឡុងឆ្នាំ២០១៥ រូបគេត្រូវបានលោក Lee Tae Hoon ដឹកនាំជម្រើសជាតិកម្ពុជាដាក់ឲ្យលេងនៅតំបន់ការពារ។

លោក សំ វ៉ាន់ដេត បានឲ្យដឹងថា ណុប តុលា លេងនៅតំបន់ការពារល្អ ទាំងសមត្ថភាពការពារបាល់ និងរារាំងដៃគូមិនឲ្យទាត់ចូលទី។ កីឡាកររូបនេះមានទេពកោសល្យ អាចលេងនៅតំបន់ការពារក៏បានប្រយុទ្ធក៏បាន ជាងនេះទៅទៀត តុលា លេងនៅតំបន់ការពារអាចមានភាពងាយស្រួលជាងប្រយុទ្ធ។

លោកបន្ថែមថា ការផ្លាស់ប្ដូរ តុលា មកលេងនៅតំបន់ការពារ ក៏ដើម្បីចង់ឲ្យត្រូវតាមទីតាំងដែលលេងនៅជម្រើសជាតិ។ មួយវិញទៀតគ្រប់ក្លឹបមានតួនាទីគាំទ្រជម្រើសជាតិ នៅពេលជម្រើសជាតិត្រូវការបែបណាក្លឹបត្រូវតម្រូវទៅតាម។

ជាមួយគ្នានោះ ណុប តុលា ក៏បានឲ្យដឹងដែរថា ការលេងនៅតំបន់ប្រយុទ្ធ ហើយផ្លាស់មកលេងនៅការពារ វាធ្វើឲ្យគេមានភាពងាយស្រួលក្នុងការគ្រប់គ្រងបាល់។ ប៉ុន្តែក៏រងការរិះគន់នៅពេលក្រុមរបស់ខ្លួនត្រូវបានដៃគូទាត់ចូលផងដែរ៕