ម្ចាស់ស្បែកជើងមាស៣សម័យកាល ប្រាប់ឈ្មោះខ្សែការពារល្អបំផុតនៅកម្ពុជា

2017-02-28 02:38:40
ចំនួនមតិ 0 | ចំនួនចែករំលែក 0

ចន្លោះមិនឃើញ

គួច សុកុម្ភៈ ធ្លាប់ឈ្នះបានស្បែកជើងមាសក្នុងនាមជាកីឡាកររកគ្រាប់បាល់បានច្រើនជាងគេចំនួន៣ដងមកហើយ។ ឆ្នាំ ២០០៧ រូបគេបានជួយឲ្យក្រុមខេមរាកីឡាឈ្នះពានរង្វាន់សម្ដេច ហ៊ុន សែន ដែលរៀបចំលើកទី១ និង ទទួលបានស្បែកជើងមាស។ ឆ្នាំ ២០០៩ អតីតប្រធានក្រុមជម្រើសជាតិកម្ពុជារូបនេះឈ្នះបានស្បែកជើងមាសនៅពានរង្វាន់សម្ដេច ហ៊ុន សែន និងឆ្នាំ២០១០ ឈ្នះស្បែកជើងមាសនៅក្នុងពាននេះដដែល។

ខ្សែបម្រើលេងនៅក្លឹបណាហ្កាវើលបច្ចុប្បន្ននេះ បានបង្ហើបពីខ្សែការពារម្នាក់នៅកម្ពុជាដែលមានសមត្ថភាពល្អជាងគេ គឺ ណុប តុលា លេងនៅក្លឹបព្រះខ័នរាជស្វាយរៀង។ សុកុម្ភៈ ជ្រើសយកកីឡាករម្នាក់នេះជាខ្សែការពារល្អជាងគេ ដោយសារតែរូបគេអាចលេងការពារផង និងធ្លាប់លេងជាប្រយុទ្ធផង ខណៈដែលការចែកបាល់វិញ ក៏ល្អថែមទៀត អាចជួយក្រុមបានច្រើន។

ណុប តុលា មានប្រវត្តិតជាខ្សែប្រយុទ្ធនៅក្រុមព្រះខ័នរាជស្វាយរៀង ប៉ុន្តែលេងនៅជម្រើសជាតិរូបគេត្រូវបានលោក Lee ដាក់ឱ្យលេងជាខ្សែការពារវិញ។ ដូច្នេះហើយ តាំងពីពេលនោះមក រូបគេក៏ត្រូវកាន់តំណែងជាខ្សែការពារទាំងក្លឹបអាជីព និងជម្រើសជាតិតែម្ដង ព្រោះកីឡាកររូបនេះមានសមត្ថភាពអាចលេងបានទាំងពីរតំបន់៕

អត្ថបទ៖ មុន្នីរម្យ