សុខ សុវណ្ណ ថាឈ្នះមែនតែបឹងកេតក៏មានចំណុចខ្សោយដែរម្សិលមិញ

2017-04-10 08:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារឆ្នើមរបស់ក្រុមបឹងកេត សុខ សុវណ្ណ ប្រាប់ថា បើទោះជាក្រុមរបស់ខ្លួនឈ្នះកាលពីរសៀលថ្ងៃអាទិត្យម្សិលមិញនេះក្ដី តែគេនៅមើលឃើញមិត្តរួមក្រុមនៅលេងមិនទាន់ល្អនៅឡើយទេ ជាពិសេសពេលនាំមុខគ្រាប់បាល់លៃដៃគូ។

ខ្សែការពារ សុខ សុវណ្ណ

កីឡាករឆ្នើមរបស់ក្រុមបឹងកេត សុខ សុវណ្ណ បានឲ្យដឹងក្រោយការប្រកួតថា បើគិតពីជ័យជម្នះនិងគ្រាប់បាល់ស៊ុតបញ្ចូលទីដៃវាពិតជាល្អណាស់ ប៉ុន្តែចំពោះការគិតរបស់ខ្សែការពាររូបនេះយល់ថាមិត្តក្រុមរបស់ខ្លួនហាក់មានធ្វេសប្រហែសបន្តិច។ ការធ្វេសប្រហែសនោះគឺត្រង់ថា នៅពេលក្រុមបឹងកេត ស៊ុតបញ្ចូលសំណាញ់ទីខាងអគ្គីសនីកម្ពុជា ២គ្រាប់ហើយពួកគេដូចជាសូវដេញយកបាល់នោះទេ បណ្ដោយឲ្យដៃគូដៃតាមសម្រួលហាក់ដូចជាមានការមើលស្រាលដៃគូ។

កីឡាករ ក្រុមបាល់ទាត់បឹងកេត

ខ្សែការពាររឹងមាំរបស់បឹងកេតរូបនេះបន្ថែមទៀតថា ត្រង់ចំណុចនេះគេគិតថាមិត្តរួមក្រុមដទៃទៀតគួរតែកែប្រែឡើងវិញ ឲ្យខំប្រឹងដូចកាលមុនពេលចូលប្រកួតឬពេលដែលមិនទាន់មានគ្រាប់បាល់បញ្ចូលទីដៃគូ។

សម្រាប់ការប្រកួតពានរង្វាន់លីគកំពូលកម្ពុជាសប្ដាហ៍ទី៧នេះ ក្រុមបឹងកេង យកឈ្នះក្រុមបាល់ទាត់អគ្គីសនីកម្ពុជាដោយលទ្ធផល ៤-០ កាលពីរសៀលថ្ងៃទី៩ ខែមេសា ឆ្នាំ២០១៧នេះនៅកីឡដ្ឋានជាតិនិងបច្ចុប្បន្នម្ចាស់ពានរង្វាន់លីគកំពូលរដូវកាលចាស់មួយនេះមាន ១៤ពិន្ទុ ស្ថិតចំណាត់ថ្នាក់លេខ៣៕

អត្ថបទ៖ នួន ស៊ីណា