សុខ សុវណ្ណ សរសើរសមត្ថភាព Tomoki អាចជួយក្រុមបានច្រើន

2017-04-16 07:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារឆ្នើមរបស់ក្រុមបាល់ទាត់បឹងកេត សុខ សុវណ្ណ សរសើរពីសមត្ថភាពកីឡាករចំណូលថ្មី Tomoki ថាលេងបានល្អហើយជួយក្រុមបានច្រើន ហើយពេលខាងមុខទៀតគេជឿជាក់លើកីឡាករជប៉ុនម្នាក់នេះ។

កីឡាករ Tomoki អាវស

សុខ សុវណ្ណ ឲ្យដឹងថា មើលតាមប្រកួតនាពេលកន្លងមកមិនថាការប្រកួតពានរង្វាន់លីគកំពូលក្នុងស្រុកក្ដី ឬការប្រកួតនៅក្រៅប្រទេសនោះទេ កីឡាករជប៉ុន Tomoki តែងបង្ហាញទម្រង់លេងយ៉ាងល្អ ថែមទាំងរកគ្រាប់បាល់បានទៀតផង។ ខ្សែបម្រើប្រយុទ្ធរូបនេះតែងធ្វើចលនាច្រើននៅពេលប្រកួត មិននៅស្ងៀមៗចាំតែទទួលបាល់ពីមិត្តរួមក្រុមនោះឡើយ។ មិនថាក្រោមកម្ដៅថ្ងៃក្ដៅយ៉ាងណានោះទេ គេនៅតែខំប្រឹងលេងឲ្យអស់ពីសមត្ថភាពតែម្ដង។

កីឡាករ Tomoki អាវស

ខ្សែការពារក្រុមបាល់ទាត់បឹងកេតរូបនេះបន្តទៀតថា គេមានទំនុកចិត្តលើកីឡាករចំណូលថ្មី Tomoki ម្នាក់នេះថាអាចនឹងជួយឲ្យក្រុមរបស់ពួកឈរក្នុងលំដាប់ Top 4 នៅរដូវកាលថ្មី ២០១៧នេះដើម្បីមានឱកាសប្រកួតខ្វែងដណ្ដើមជើងឯកលីគកំពូលកម្ពុជា។

សុខ សុវណ្ណ ជាកីឡាកររបស់ក្រុមបាល់ទាត់បឹងកេត សម្រាប់ការប្រកួតចុងក្រោយនេះកីឡាកររូបនេះរកបាន១គ្រាប់ផងដែរ ខណៈពេលដែលក្រុមរបស់គេយកឈ្នះលើក្រុមអគ្គីសនីកម្ពុជាដោយលទ្ធផល ៤-០ នៅពហុកីឡដ្ឋានជាតិកាលពីសប្ដាហ៍មុន៕

អត្ថបទ៖ នួន ស៊ីណា