សុខ សុវណ្ណ ចង់ឲ្យកូនប្រុសទើបកើត លេងបាល់ដូចខ្លួន

2017-05-18 08:35:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារជម្រើសជាតិកម្ពុជា សុខ សុវណ្ណ បង្ហើបថា ខ្លួនចង់ឲ្យកូនប្រុសឈ្មោះ សុវណ្ណ បញ្ញាពិសិដ្ឋ ក្លាយជាកីឡាករបាល់ទាត់ដូចខ្លួនដែរនៅពេលធំដឹងក្ដី។

សុខ សុវណ្ណ និងកូនប្រុស

កូនប្រុសរបស់ សុខ សុវណ្ណ បានកើតនៅវេលាម៉ោង ១ រសៀលថ្ងៃនេះ ហើយបានដាក់ឈ្មោះថា សុវណ្ណ បញ្ញាពិសិដ្ឋ ។ ទាក់ទងនឹងអនាគតកូនប្រុសរបស់ខ្លួនខ្សែការពារកណ្ដាលបឹងកេតរូបនេះបានឲ្យដឹងថា មូលហេតុចង់ឲ្យលេងបាល់ដូចឪពុកពីព្រោះ ការលេងកីឡានាំឲ្យមានសុខភាពល្អ ជៀសឆ្ងាយពីគ្រឿងញៀន និងពិសេសអាចស្នងតំណែងពីឪពុក ដើម្បីចូលរួមអភិវឌ្ឍន៍វិស័យបាល់ទាត់។

កីឡាកររូបនេះបញ្ជាក់ថា មិនទាន់គិតឃើញចង់ឲ្យកូនលេងក្នុងតំណែងអ្វីឡើយ ត្រូវរង់ចាំមើលទេពកោសល្យកូនសិន។ តែយ៉ាងណាគោលបំណងនេះក៏មិនទាន់ប្រាកដ ១០០ %ដែរ ពីព្រោះមិនទាន់ដឹងគោលបំណងរបស់កូនប្រុស។

សុវណ្ណ បញ្ញាពិសិដ្ឋ ជាកូនទី១ របស់ សុខ សុវណ្ណ និងប្រពន្ធឈ្មោះ សុខ សុជាតា ក្រោយរៀបការតាំងពីថ្ងៃទី១៣ ខែឧសភា ឆ្នាំ២០១៥៕