កក្រើកភ្នំពេញ ម៉ូតូស១០គ្រឿងហែមេដាយមាសអាស៊ីកីឡាករ យ៉ាវ វណ្ណៈ ម្សិលមិញ

2017-08-19 00:11:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មេដាយមាសកម្រិតអាស៊ីរបស់កីឡាករ យ៉ាវ វណ្ណៈ ដែលដណ្តើមបានពីការប្រកួតកីឡាប៉ារ៉ាឡាំពិករដូវក្តៅយុវជនពិការនៅសាធារណរដ្ឋកូរ៉េ វេលាម៉ោង៣រសៀលកាលពីថ្ងៃទី១៨ សីហាម្សិលមិញនៅរាជធានីភ្នំពេញ បន្ទាប់ពីកីឡាករបានសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានគណៈកម្មាធិការជាតិប៉ារ៉ាឡាំពិកកម្ពុជា។

ក្បូនដង្ហែនេះបានដំណើរពីទីស្នាក់ការគណៈកម្មាធិការជាតិប៉ារ៉ាឡាំពិកឆ្ពោះទៅកាន់វត្តភ្នំ រួចបន្តដំណើរទៅកាន់វិមានឯករាជ្យ និងត្រឡប់មកកន្លែងដើមវិញ។ ល្ងាចមិញ សម្តេច ហ៊ុន សែន បានបញ្ជាមន្ត្រីក្រោមបង្គាប់រៀបចំពិធីជប់លៀងដើម្បីអបអរដល់ប្រតិភូកីឡា គ្រូបង្វឹក គ្រូជំនួយ និងអត្តពលិកពិការកម្ពុជាមុនចេញដំណើរទៅចូលរួមការប្រកួតក្នុងព្រឹត្តិការណ៍ ASEAN Para Games នៅទីក្រុងកូឡាឡាំពួរ ប្រទេសម៉ាឡេស៊ីពីថ្ងៃទី១៧ ដល់ថ្ងៃទី២៣ ខែកញ្ញា ខាងមុខនេះទៀតផង។

កីឡាករ យ៉ាវ វណ្ណៈ ដែលឈ្នះមេដាយមាសលើលើវិញ្ញាសាហែលទឹកចម្ងាយ៥០ម៉ែត្រសេរីនៅក្នុងព្រឹត្តិការណ៍កីឡាប៉ារ៉ាឡាំពិករដូវក្តៅយុវជនពិការនៅសាធារណៈរដ្ឋកូរ៉េទទួលបានប្រាក់៨០លានរៀលជាប្រាក់ផ្ទាល់សម្តេចតេជោ ហ៊ុន សែន ខណៈកីឡាករ យ៉យ កុសល ដំណ្ដើមមេដាយសំរឹទ្ធលើវិញ្ញាសាវាយកូនឃ្លីលើតុ ទទួលបាន២៤លានរៀល ប្រាក់ផ្ទាល់សម្តេចផងដែរ៕

អត្ថបទ៖ ជាន ចាន់រ៉ា