ឡូយ! អាចមើលរឿងហូលីវូដ Walt Disney នៅលើ iflix បានហើយឥឡូវ

2017-09-08 11:18:51
ចំនួនមតិ 0 | ចំនួនចែករំលែក 0

ចន្លោះមិនឃើញ

iflix ជាក្រុមហ៊ុនផ្ដល់សេវាកម្មវីដេអូអនឡាញអាចមើលទូរទស្សន៍ និងខ្សែភាពយន្តរាប់ពាន់ទូទាំងពិភពលោក ដោយគ្មានដែនកំណត់នោះ បានប្រកាសពីការសហការរបស់ខ្លួនជាមួយ Walt Disney ហើយតាមការព្រមព្រៀងនេះ អ្នកនឹងអាចមើលរឿងល្បីៗជាច្រើនរបស់ Disney បាន។

លោក Sean Carey ប្រធានផ្នែកមាតិការបស់ iflix Group បាននិយាយថា៖ "ក្រុមហ៊ុន Disney មានរឿងពេញនិយមជាច្រើនសម្រាប់មនុស្សគ្រប់វ័យ ហើយ iflix បានប្ដេជ្ញាផ្ដល់ជូនការកម្សាន្តដ៏ល្អបំផុតពីជុំវិញពិភពលោក រួមជាមួយនឹងការនាំមកនូវរឿងល្បីៗជាច្រើនទៀតពី Disney សម្រាប់អ្នកប្រើប្រាស់ទូទាំងតំបន់"។

លោក Amit Malhotra ប្រធានគ្រប់គ្រងទូទៅបណ្ដាញសារព័ត៌មានរបស់ Walt Disney នៅតំបន់អាស៊ីអាគ្នេយ៍ បានឲ្យដឹងថា៖ "យើងខ្ញុំនឹងផ្ដល់ជូនរឿងកាន់តែទូលំទូលាយ ដោយអាចរកបានរឿង និងតួអង្គដែលចូលចិត្តតាមប៉ុស្តិ៍ និងមានលក្ខណៈពិសេសសម្រាប់អ្នកទស្សនាគ្រប់វ័យ គ្រប់ពេលវេលាទៅតាមតម្រូវការ"។

សម្រាប់អតិថិជនថ្មី iflix នឹងផ្ដល់ជូនការប្រើប្រាស់មួយខែដោយឥតគិតថ្លៃជាមួយនឹងដំណើរការពេញលេញទៅលើសេវាកម្មរបស់ខ្លួន ដោយគ្រាន់តែចូលទៅវិបសាយ www.iflix.com ដើម្បីចុះឈ្មោះ។

iflix ជាសេវាកម្មវីដេអូអនឡាញតាមតម្រូវការ (SVoD) ហើយបច្ចុប្បន្ន iflix អាចប្រើប្រាស់បាននៅក្នុងប្រទេស ម៉ាឡេស៊ី ឥណ្ឌូណេស៊ី ហ្វីលីពីន ថៃ ប្រ៊ុយណេ ស្រីលង្ការ ប៉ាគីស្ថាន មីយ៉ាន់ម៉ា វៀតណាម ម៉ាល់ឌីវ គុយវ៉ែត បារ៉ែន អារ៉ាប៊ីសាអ៊ូឌីត ហ្សកដានី អ៊ីរ៉ាក់ លីបង់ អេហ្ស៊ីប ស៊ូដង់ កម្ពុជា និងនីហ្សេរីយ៉ា៕