សំ វ៉ាន់ដេត ថាបឹងកេត ខ្លាំង ប៉ុន្តែស្វាយរៀងនៅតែមានឱកាសឈ្នះព្រោះកត្តានេះ

2017-10-14 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លីគកំពូលកម្ពុជានៅថ្ងៃសៅរ៍នេះ ក្រុមព្រះខ័នរាជស្វាយរៀង នឹងត្រូវលេងតតាំងជាមួយក្រុមខ្លាំងបឹងកេត នាកីឡដ្ឋានខេត្តស្វាយរៀង វេលាម៉ោង៦ល្ងាចតទៅ។

លោក សំ វ៉ាន់ដេត គ្រូបង្វឹកស្វាយរៀងបានបង្ហាញចំណាប់អារម្មណ៍នៅលើ Page ស្វាយរៀងថាលោកដឹងច្បាស់ពីកម្រិតរបស់បឹងកេត ថាជាក្រុមខ្លាំងមានបទពិសោធទាំងក្នុងនិងក្រៅស្រុកច្រើន។ ពួកគេមានកីឡាករល្អៗ ដែលអាចបង្កគ្រោះថ្នាក់ដល់ស្វាយរៀងបាន ប៉ុន្តែលោកក៏បានរៀបចំក្រុមបានត្រឹមត្រូវដើម្បីស្វាគមន៍ពួកគេដែរ។ ព្រះខ័នរាជស្វាយរៀងនៅតែមានសង្ឃឹមជានិច្ច ព្រោះការប្រកួតនេះគឺនៅក្នុងទឹកដីរបស់ស្វាយរៀង ហើយមានអ្នកគាំទ្រច្រើនជួយលើកទឹកចិត្តពីក្រោយការប្រកួតនោះ។

រំលឹកថាកាលពីប៉ះគ្នានៅជើងទី ១ក្នុងលីគកំពូលកន្លងទៅ ក្រុមទាំងពីរខាងលើនេះបញ្ចប់ទៅត្រឹមលទ្ធផលស្មើគ្នា ២-២ ប៉ុណ្ណោះ។ ដោយឡែក នៅក្នុងតារាងវិញ ក្រុមស្វាយរៀងនៅលេខ១ មាន៣៧ពិន្ទុដាច់គេ ស្របពេលបឹងកេតវិញ កំពុងឈរនៅចំណាត់ថ្នាក់លេខ៤មាន៣០ពិន្ទុ ដែលជាកន្លែងត្រូវការពិន្ទុដាច់ខាតដើម្បីឈរនៅ Top4 ៕