កម្មវិធីថតរូបថ្មីរបស់ Google ថតបានទាំងរូបភាព និងវីដេអូ មិនសាកមិនដឹងមែន

2017-12-21 02:42:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Google បានផ្តល់នូវបណ្តាលកម្មវិធីជាច្រើន មានមុខងារល្អៗ ព្រមទាំងអាចប្រើបានដោយទុកចិត្ត។ បណ្តាលកម្មវិធីដែលក្រុមហ៊ុនផលិតភាគច្រើនចេញពីទិន្នន័យអ្នកប្រើប្រាស់ទូទៅ ក្រោយវិភាគ និងផ្តល់កម្មវិធីជាដំណោះស្រាយដល់អ្នកប្រើប្រាស់។ កម្មវិធីថ្មីទាំងបីនេះ ផ្ដោតលើការថតរូប ដែលអ្នកអាចស្វែងយល់បន្ថែមនៅខាងក្រោម៖

កម្មវិធី Selfissimo

ជាកម្មវិធីថតរូប Selfie អាចប្រើបានទាំងលើ iOS និង Android ដោយថតរូបអ្នកពេលអ្នកនៅស្ងៀម ដូច្នេះអ្នកមិនត្រូវការចុចប៊ូតុង Shutter នោះទេ។ អ្នកអាចថតរូបសរ ខ្មៅបាន។ ពេលអ្នកបើកកម្មវិធី រូបភាពនឹងចាប់ផ្តើមយ៉ាងឆាប់ពេលអ្នកចុច Start។ រាល់រូបភាពបានថត នឹងបង្ហាញឲ្យអ្នកដឹងលើអេក្រង់។ ប្រសិនបើអ្នកចង់មើលរូបភាពបានថតមុនៗ អាចចុចលើអេក្រង់ដើម្បីបញ្ចប់ការថតរួចចូលមើល។ រូបភាពមិនរក្សាទុកទៅកាន់ទូរស័ព្ទដោយស្វ័យប្រវត្តិនោះទេ អ្នកត្រូវជ្រើសរើសពួកវាដើម្បីរក្សាទុក បើមិនដូច្នោះទេរូបភាពនឹងបាត់ក្នុងការកាត់បន្ថយទំហំរក្សាទុករបស់ទូរស័ព្ទ។

កម្មវិធី Scrubbies

កម្មវិធីនេះអាចប្រើបានតែលើ iOS ប៉ុណ្ណោះ ដោយក្រោយថតវីដេអូតាមរយៈកម្មវិធី អ្នកអាចកែប្រែល្បឿន និង ទិសដៅនៃ Video Playback (ចាក់លេងវីដេអូឡើងវិញ) ដែលអាចឲ្យអ្នកត្រលប់ទៅចំនុចជាក់លាក់ណាមួយអ្នកចង់ Highlight។ ក្នុងការដំណើរការ អ្នកបើកកម្មវិធី ហើយចុចលើប៊ូតុងកាមេរ៉ានៅជ្រុងខាងឆ្វេង។ ពេលអ្នកចុចប៊ូតុង Record អាចថតវីដេអូអ្នកចូលចិត្ត។ ប្រសិនបើអ្នកត្រូវការបញ្ឈប់វីដេអូ តែមិនចង់បាត់បង់អ្វីអ្នកបានថតរួចរាល់ អ្នកអាចចុចប៊ូតុង Pause នៅខាងស្តាំ ហើយចុចបន្តពេលអ្នកត្រៀមខ្លួនរួច។

កម្មវិធី Storyboard

កម្មវិធីនេះអ្នកអាចបង្កើតវីដេអូដូចទៅនឹងថ្លុកដូច្នេះដែរ ដោយប្រើបានតែលើ Android។ ដោយប្រើប្រាស់បច្ចេកវិទ្យាស្រាវជ្រាវរបស់ Google វាជ្រើសរើស Frame ខុសគ្នានៃវីដេអូ ហើយតម្រៀបក្នុងការបង្កើត Layout ស្ទីលសៀវភៅថ្លុក។ វាមាន Interface ស្រស់ស្អាត ហើយងាយស្រួលប្រើប្រាស់។ អ្នកអាចចូលទៅកាន់វីដេអូ ហើយជ្រើសរើសមួយណាចុចចូលទៅកាន់កម្មវិធី ក្រោយដំណើរការរួច អ្នកនឹងមានជម្រើស Layout ក្នុងការប្រើប្រាស់។ អ្នកអាចចុចលើការងារដែលបានបញ្ចប់ ហើយចែករំលែកទៅកាន់មិត្តភក្ដិ៕