បើថា S8 ស្អាត សមត្ថភាពខ្លាំង ចុះ S9 វិញម៉េចដែរ? ជួយដាក់ពិន្ទុផង

2017-12-20 03:05:29
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy S8 ប្រហែលជាទូរសព្ទរូបរាងស្អាតបំផុតរបស់ក្រុមហ៊ុន Samsung បច្ចុប្បន្ននេះ ប៉ុន្តែប្រហែលជាមិនមែនទៀតទេក្នុងឆ្នាំ ២០១៨។ ដោយសារព័ត៌មានចចាមអារ៉ាមអំពីភាពជោគជ័យរបស់ Galaxy S9។ ដូចនេះមានអ្វីខ្លះអ្នកគួរដឹងពី Device ថ្មីនេះរបស់ Samsung ក្នុងឆ្នាំ ២០១៨។

ការរចនា

Galaxy S9 អាចមានកាមេរ៉ា Lens បញ្ឈរ និង Fingerprint sensor នៅពីក្រោយ អមដោយ Flash មួយគ្រាប់ និង Sensor ដទៃទៀត។ ផ្នែកខាងមុខមានរាងកោងបន្តិច និងខាងក្រោមអេក្រង់មានលក្ខណៈស្រដៀងទៅនឹង Galaxy S8។ រន្ធ USB Type-C និងរន្ធកាស 3.5mm អាចមាននៅខាងក្រោមទូរសព្ទ។

Galaxy S9 អាចមានកាមេរ៉ា Lens តែមួយនៅខាងក្រោយ ខណៈ Galaxy S9 Plus មានកាមេរ៉ា Lens ពីរគ្រាប់ និងទំហំធំជាងធម្មតា។ បើតាម Chinese leaker Ice Universe បង្ហាញថា ផ្នែកក្រោយនឹងផ្លាស់ប្ដូរជាច្រើន។ យ៉ាងណាមិញ Samsung អាចនឹងបង្រួញចង្កា (Chin) នៅផ្នែកខាងក្រោម S9 និង S9 Plus តែការផ្លាស់ប្ដូរទាំងនោះមិនបានជាប់ក្នុងការធ្វើ Test នោះទេ ដូច្នេះ S9 អាចនឹងមានរាងដូចទៅនឹង S8 ដែរ។

Disappointed, the S9 on the left did not pass the test and was killed, on the right is the real S9, which is almost the same as S8. pic.twitter.com/rrREFRKuq6
— Ice universe (@UniverseIce) December 14, 2017

កាមេរ៉ា

លើ Galaxy S9 អាចមានកាមេរ៉ា Lens តែមួយនៅផ្នែកក្រោយ និង Galaxy S9 Plus មានកាមេរ៉ា Lens ពីរគ្រាប់។ ម្យ៉ាងវិញទៀត Samsung ប្រហែលជាបន្ថែមនូវ Sensor ពីរក្នុងការថតទៅកាន់ Galaxy S9 Plus ដែលស្រដៀងទៅនឹងវិធីក្រុមហ៊ុន Apple បែងចែករវាង iPhone 8 និង iPhone 8 Plus។ ក្រុមហ៊ុន Samsung កំពុងធ្វើការលើ Sensor មួយអាចមានសមត្ថភាពថតបាន 1,000 Frames ក្នុងមួយវិនាទី បើតាមរបាយការណ៍ចេញផ្សាយដោយ ETNews។ Xperia XZ1 និង Xperia XZ Premium របស់ក្រុមហ៊ុន Sony មាន Sensor អាចថតបាន 960 Frames ក្នុងមួយវិនាទី ដែលខ្ពស់ជាង Smartphone ផ្សេងទៀត។ ប្រសិនបើជាការពិត Sensor របស់ Galaxy S9 នឹងល្អជាងគេ។

Display

Galaxy S9 អាចនឹងមានកម្រិត Resolution ដូចទៅនឹង Galaxy S8 ដដែល តែប្រហែលជាបង្រួមកម្រិតកោងនៅគែមអេក្រង់។ មួយវិញទៀត ទំហំអេក្រង់លើ S9 អាចមាន 5.77 inch និង S9 Plus អាចមាន 6.22 Inch ដែលដូចគ្នាទៅនឹង S8 និង S8 Plus។

សុវត្ថិភាព

ក្រុមហ៊ុន Samsung អាចនឹងពង្រឹងប្រព័ន្ធស្កេនប្រស្រីភ្នែក និងស្កេនម្រាមដៃសម្រាប់ Galaxy S9។ បើតាម The Korea Herald កាមេរ៉ា Lens សម្រាប់ពិនិត្យប្រស្រីភ្នែកអាចបង្កើនពី 2MP ទៅ 3MP ដែលជួយសម្គាល់ភ្នែកបានល្អ ជាពិសេសពេលភ្នែកមានចលនាខណៈកំពុងស្កេន ឬពេលពាក់វ៉ែនតា។ ម្យ៉ាងវិញទៀត បើតាមព័ត៌មានតៗគ្នា ក្រុមហ៊ុន Samsung ចង់បង្កើត Sensor ស្កេនម្រាមដៃក្នុងអេក្រង់តែម្តង តែរបាយការណ៍សម្គាល់ថាក្រុមហ៊ុនប្រហែលជាអូសបន្លាយពេលសម្រាប់គម្រោងទាំងនោះ។ យោងតាមរបាយការណ៍ពី The Investor ក្រុមហ៊ុន Samsung បានធ្វើការលើSensor បង្កប់ក្នុងអេក្រង់ជាច្រើនឆ្នាំ តែមិនទាន់មានភាពត្រឹមត្រូវ។

លក្ខណៈសម្បត្តិ

បើតាមរបាយការណ៍ពី XDA Developers Galaxy S9 អាចនឹងបំពាក់ Qualcomm Snapdragon 845 មានទំហំ 64GB សម្រាប់ Internal Storage ព្រមទាំងដំណើរការជាមួយនឹង Android Oreo 8.0 ដោយមាន RAM 4GB។ មួយវិញទៀត ក្នុងបញ្ជី CES 2018 ទី ៣៦ របស់ក្រុមហ៊ុន Samsung បានបង្ហាញនូវ Processor ជំនាន់ចុងក្រោយជា Exynos 9 ស៊េរី 9810។ ក្នុងនោះក៏មាន CPU ជំនាន់ទីបី, GPU ជំនាន់ថ្មី និង Gigabit LTE។ វាត្រូវបាន បង្កើតលើបច្ចេកវិទ្យា Processor 10nm ជំនាន់ទីពីរ ដែលមានន័យថា Galaxy S9 ក៏អាចទទួលនូវ 10nm processor។

ពេលណាបង្ហាញជាផ្លូវការ

ក្រុមហ៊ុន Samsung បានប្រកាស Samsung Galaxy S8 នៅចុងខែមីនា។ ជាធម្មតា ព្រឹត្តិការណ៍បង្ហាញទូរស័ព្ទរបស់ខ្លួនមានជារៀងរាល់ឆ្នាំ។ បើតាម The Korea Herald បានបង្ហាញថាក្នុងព្រឹត្តិការណ៍ CES (Consumer Electronic Show) ដែលធ្វើឡើងក្នុងខែមករា ឆ្នាំ ២០១៨ នោះមិនមានការបង្ហាញទូរស័ព្ទអ្វីនោះទេ។ តាមរបាយការណ៍ Bloom berg ទូរស័ព្ទ Samsung Galaxy S9 នឹងអាចប្រកាសនៅខែកុម្ភៈ ឆ្នាំ២០១៨ ហើយប្រហែលជាចែកចាយលើទីផ្សារនៅដើមខែមីនា ខណៈមុខងារ និងបច្ចេកវិទ្យាថ្មីត្រូវការពេលវេលាសម្រាប់បំពាក់។