អ្នកនិពន្ធដែលឲ្យធ្វើឲ្យ ខាន់ ជេមស៍ ល្បីកាលនៅ Rock ត្រលប់មកវិញ

2017-12-21 03:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនិពន្ធបទចម្រៀង"របាំចងស្នេហ៍" បទបុប្ផាក្រពុំ" និង បទ"ស្នេហ៍អូនជានិច្ច" ដែលជាបទចម្រៀងធ្វើឲ្យតារាចម្រៀង ខាន់ ជេមស៍ ល្បីកាលនៅផលិតកម្ម Rock បានស្កាត់មកពីប្រទេសកាណាដា ដើម្បីនិពន្ធបទចម្រៀង ឲ្យតារាចម្រៀងរូបនេះច្រៀង ដើម្បីបំបែកភាពស្ងប់ស្ងាត់។

អ្នកនិពន្ធរូបនោះមានឈ្មោះថា ឆាយ សាមេត ដែលលោកគឺជាអ្នកនិពន្ធទាំងទុកច្រៀង និង ទំនុកភ្លេងល្បីមួយរូប និងជាអតីតប្រធានគ្រប់គ្រងការផលិត ប្រចាំផលិតកម្ម Rock។ ខាន់ ជេមស៍ ប្រាប់ថា អ្នកនិពន្ធធរូបនេះ គឺជាអ្នកដែលផ្ដួចផ្ដើម ធ្វើឲ្យ Original song មុនគេ ក្នុងផលិតកម្ម Rock ប៉ុន្តែគាត់បានទៅរស់នៅប្រទេសកាណាដាតាំងឆ្នាំ២០០៩ មកម្ល៉េះ ពោលបន្ទាប់ពីផលិតកម្ម Rock ប្រកាសផ្អាកផលិតបទចម្រៀង។

ក្នុងនាមមេ និងកូនចៅ ទោះបីជា អ្នកនិពន្ធរូបនេះបានទៅរស់នៅកាណាដាក្ដី អ្នកទាំង២នៅតែមានទំនាក់ទំនងគ្នាល្អដដែល។ ខាន់ ជេមស៍ បានបន្តឲ្យដឹងថា ដោយឃើញទីផ្សារបទចម្រៀងរបស់លោក ហាក់ដូចជាស្ងប់ស្ងាត់មួយរយៈផងនោះ ថ្មីៗនេះអ្នកនិពន្ធខាងលើបានសម្រេចជួយនិពន្ធបទចម្រៀងឲ្យលោកបានចំនួន៣បទ។

បទចម្រៀងទាំង៣បទនោះមាន ទី១បទ "ម្លិះរួតជាយដែន" ជាចង្វាក់ bolarolobg ។ទី២បទ "អូនរៀបការនឹងគេចោលបងហើយ"ជាចង្វាក់ slow និងទី៣បទ "ជីវិតកម្មករអភ័ព្វ"ជាចង្វាក់ slow ដែរ។

បទចម្រៀងទាំង៣បទខាងលើ ខាងផលិតកម្មសាន់ដេ កំពុងតែថត ហើយគ្រោងចេញលក់ ដើម្បីស្វាគមន៍ដើមឆ្នាំ២០១៨តែម្ដង។ តាមរយៈស្នាដៃបទចម្រៀងដែលបានរៀបរាប់ខាងលើ លោកជឿជាក់ថានឹងជួយបំបែកភាពស្ងប់ស្ងាត់របស់លោកជាក់ជាមិនខាន។ តាមការរៀបរាប់របស់ ខាន់ ជេមស៍ អ្នកនិពន្ធ លោក ឆាយ សាមេត មិនមានគម្រោងនិពន្ធបទចម្រៀងតែ ៣បទនេះទេ អ្នកនិពន្ធរូបនេះនឹងបន្តនិពន្ធបទចម្រៀងឲ្យលោកច្រៀងជាបន្តបន្ទាប់ទៀត៕

អត្ថបទៈ ស៊ុនហួត