៧សន្លឹក រូបថតប្រវត្តិសាស្រ្ត បង្កប់រឿងរ៉ាវពីអតីតកាល គួរឲ្យស្រណោះ

2017-12-21 03:50:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារការបង្កើតឲ្យមានរូបថត បានធ្វើឲ្យមនុស្សសម័យនេះ យ៉ាងហោចណាស់ អាចយល់ពីរបៀបដែលមនុស្សសម័យមុន រស់នៅយ៉ាងដូចម្តេចខ្លះ។ មិនតែប៉ុណ្ណោះ យើងក៏អាចដឹងបានថា ពួកគេមានរូបរាងយ៉ាងណា និងធ្វើអ្វីខ្លះនៅពេលនោះ។

ខាងក្រោមនេះគឺជារូបថតប្រវត្តិសាស្ត្រ ៧សន្លឹក ដែលបង្កប់រឿងរ៉ាវពីអតីតកាល គួរឲ្យស្រណោះ៖

#១ ក្មេងកំព្រាទីតានិច

នាង Michel និង Edmond Navratil បានរួចផុតពីហេតុការណ៍ កប៉ាល់ទីតានិចបុកផ្ទាំងទឹកកក កាលពីឆ្នាំ១៩១២។ ឪពុករបស់ពួកគេ ដែលបានរួមដំណើរជាមួយគ្នាបានស្លាប់ ហើយរូបថតកុមារីទាំង២នាក់នេះ ត្រូវបានគេចុះផ្សាយនៅលើកាសែត ដើម្បីស្វែងរកសាច់ញាតិរបស់ពួកគេ។ ប៉ុន្តែគ្មាននរណាម្នាក់ស្គាល់ឈ្មោះពិតរបស់ពួកគេឡើយ ដូច្នេះគេបានហៅកុមារីទាំងនេះថា Louis និង Lola ឬ ក្មេងកំព្រាទីតានិច។

#២ ការរំលឹកដល់សត្វសេះ និងលា

ទាហានទាំងនេះឈរផ្តុំគ្នាចេញជារូបក្បាលសេះ ដើម្បីរំលឹកដល់សត្វសេះ និង លា រាប់លានក្បាល ដែលបានងាប់ក្នុងអំឡុងសង្គ្រាមលោកលើកទី១។

#៣ អ្នកតស៊ូបារាំង ញញឹមនៅពេលប្រហារជីវិត

Georges Blind គឺជាសមាជិកនៃអ្នកតស៊ូបារាំង ក្នុងអំឡុងសង្គ្រាមលោកលើកទី២។ លោកត្រូវបានគេចាប់ខ្លួន នៅឆ្នាំ១៩៤៤។ នៅពេលនោះ លោកបដិសេធមិនព្រមនិយាយអ្វីទាំងអស់ ដូច្នេះហើយទើបទាហាន Nazi សម្រេចចិត្តរៀបចំប្រហារជីវិតលោក។ ផ្ទុយទៅវិញ វាមិនដំណើរឡើយ ហើយលោក Georges ត្រូវបានគេបញ្ជូនទៅជំរំឃុំឃាំង Blechhammer ដែលក្រោយមក លោកក៏ត្រូវបានគេធ្វើអត្តឃាតតែម្ដង។

#៤ សញ្ញាព្រមាន

សមាជិកនៃក្រុមតស៊ូជ្រុលនិយម Ku Klux Klan ម្នាក់ កំពុងបើកបររថយន្តមួយគ្រឿង ដោយបង្ហាញខ្សែព្យួរខាងក្រៅទ្វាររថយន្ត។ វាគឺជាសញ្ញាព្រមានដល់អ្នកស្រុកអាហ្វ្រិច-អាមេរិក នៅទីក្រុង Miami ដែលគួរចូលរួមក្នុងការបោះឆ្នោត នៅខែឧសភា ឆ្នាំ១៩៣៩។

#៥ អ្នកឈ្នះដែលគេមិនបានរំពឹងទុក

ក្នុងអំឡុងការប្រកួតរត់ម៉ារ៉ាតុងប្រចាំឆ្នាំ Boston Marathon ក្នុងឆ្នាំ១៩៥១ បុរសជនជាតិជប៉ុនឈ្មោះ Shigeki Tanaka បានមកដល់ទីមុនគេបង្អស់។ រយៈពេល ៦ឆ្នាំមុនព្រឹត្តិការណ៍នោះ លោក Tanaka បានរួចផុតជីវិត ពីការទម្លាក់គ្រាប់បែកបរមាណូ របស់កងកម្លាំងអាកាសអាមេរិក នៅទីក្រុង Hiroshima ប្រទេសជប៉ុន។ ហ្វូងមនុស្សដែលកំពុងឈរមើល បាននៅស្ងៀមគ្រប់គ្នា នៅពេលលោក Tanaka រត់មកដល់ទី។

#៦ ប្រធានាធិបតីស្លាប់នៅពេលបំពេញភារកិច្ច

លោក Salvador Allende អតីតប្រធានាធិបតីឈីលី កំពុងរត់ចេញពីលំនៅឋាន ក្នុងអំឡុងការផ្ដួលរលំរបស់ក្រុមទ័ពសេះ Carabineer ដែលដឹកនាំដោយ លោក Augusto Pinochet (អតីតប្រធានាធិបតីឈីលី) នៅថ្ងៃទី១១ ខែកញ្ញា ឆ្នាំ១៩៧៣។ ក្រោយមក លោក Allende ក៏ត្រូវគេបាញ់សម្លាប់។

#៧ អ្នកចម្បាំងដាវសាមូរ៉ៃជប៉ុន និងរូបចម្លាក់ Sphinx ក្នុងឆ្នាំ១៨៦៤

នេះគឺជាក្រុមអ្នកចម្បាំងដាវសាមូរ៉ៃជប៉ុន ដែលបានចូលរួមនៅក្នុងបេសកកម្ម Ikeda ដែលកំពុងឈរនៅពីមុនរូបចម្លាក់ Sphinx។ នៅឆ្នាំ ១៨៦៤ ពេលធ្វើដំណើរទៅកាន់ទីក្រុងប៉ារីស ឯកអគ្គរាជទូតជប៉ុនដែលដឹកនាំដោយមេដឹកនាំផ្ដាច់ការនៃកងយោធាជប៉ុន លោក Ikeda Nagaoki បានមកធ្វើទស្សនកិច្ចនៅប្រទេសអេហ្ស៊ីប៕

ចុចអាន៖

ប្រភព៖ Brightside ប្រែសម្រួល៖ សេង ឡុង