រឿងរ៉ាវពិត គួរឲ្យភ្ញាក់ផ្អើលទាំង៨ ពីជនជាតិអេហ្ស៊ីបបុរាណ កម្រមានអ្នកដឹងបំផុត!

2017-11-20 03:51:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតា យើងគិតថា យើងរស់នៅខុសគ្នាទាំងស្រុងពីមនុស្សបុរាណ ដូចជាប្រពៃណី ភាសា និងរឿងរ៉ាវជាច្រើនទៀតផងដែរ។ ប៉ុន្តែ អ្នកបុរាណវិទ្យាបានបង្ហាញថា យើងពិតជាយល់ខុសហើយ។

ខាងក្រោមនេះគឺជារឿងរ៉ាវពិត គួរឲ្យភ្ញាក់ផ្អើលទាំង ៨ ពីជនជាតិអេហ្ស៊ីបបុរាណកម្រមានអ្នកដឹងបំផុត៖

#១ ពួកគេយកដែកចេញពីអាចម៍ផ្កាយ

ក្រុមអ្នកបុរាណវិទូ បានរកឃើញគ្រាប់អង្កាំ នៅក្នុងផ្នូរបុរាណមួយ។ តើពួកគេបានគ្រាប់អង្កាំដែកមកពីណា? គ្រាប់អង្កាំដែកទាំងនោះ អាចត្រូវធ្វើឡើងពីអាចម៍ផ្កាយ។

#២ ពួកគេបង្កើតថ្នាំដុសធ្មេញ

មានភស្តុតាងជាច្រើន ដែលបង្ហាញឲ្យឃើញថា ប្រជាជនអេហ្ស៊ីបបានបង្កើតថ្នាំដុសធ្មេញ តាំងពី ៥ ០០០ឆ្នាំមុនគ្រិស្តសករាជមកម្ល៉េះ។

#៣ ពួកគេបង្កើតប៉ូលិសដំបូងបង្អស់នៅលើពិភពលោក

កងកម្លាំងប៉ូលិសដំបូងបង្អស់របស់ពិភពលោក ត្រូវបានបង្កើតឡើងក្នុងអំឡុងពេល ព្រះរាជាណាចក្រ Middle Kingdom (ឆ្នាំ២០៥០-១៨០០ មុនគ្រិស្តសករាជ)។ វារួមបញ្ចូលទាំងអ្នកចម្បាំងដ៏ស្មោះត្រង់បំផុត និងឈ្មួញបរទេសទៀតផង។ ប៉ូលិសអេហ្ស៊ីបត្រូវបានអមដោយសត្វសុនខ និងសត្វស្វា។ ក្រុមមន្ត្រីទាំងនោះការពារប្រាសាទ និងទីក្រុង , អ្នកតំណាងជាន់ខ្ពស់ និង ក្រុមទូរចរពីឧក្រិដ្ឋជន។

#៤ ពួកគេជាអ្នកផលិតស្រាបៀដំបូងបង្អស់

កម្មករដែលបានសាងសង់ប្រាសាទពីរ៉ាមីត ត្រូវបានគេឲ្យរង្វាន់ស្រាបៀ ៤-៥លីត្រក្នុងមួយថ្ងៃ។ ដូច្នេះយើងអាចសន្និដ្ឋានថា ការផលិតស្រាបៀរនៅពេលនោះ ពិតជាមានកម្រិតល្អណាស់។

#៥ គ្រូពេទ្យវះកាត់ បានធ្វើប្រតិបត្តិការយ៉ាងលំបាក

ជនជាតិអេហ្ស៊ីបបុរាណ មានចំណេះដឹងផ្នែកឱសថ ដែលមានភាពច្បាស់លាស់ និងតែមួយគត់ ដែលអាចប្រៀបធៀបជាមួយសម័យទំនើបនេះបាន។ ក្រុមអ្នកវិទ្យាសាស្ត្រដែលបានពិនិត្យសាកសពម៉ាំមី បានរកឃើញដំណើរការវះកាត់មួយចំនួន ដូចជា ការវះកាត់បេះដូង , ការប្ដូរសរីរាង្គ និង ការវះកាត់កែសម្ផស្សទៀតផង។ ជាអកុសល ចំណេះដឹងរបស់ពួកគេត្រូវបានរលាយសាបសូន្យ។

#៦ ពួកគេប្រើសោទ្វារ

សោទ្វារត្រូវបានបង្កើតឡើងនៅក្នុងប្រទេសអេហ្ស៊ីប និងចិន ដោយសារតែឧបករណ៍ប្រភេទនេះ ត្រូវការជាចាំបាច់។

#៧ ពួកគេលេងកីឡាបោះប៊ូល

នៅក្នុងទីលំនៅបុរាណមួយ ក្បែរទីក្រុង Cairo គេបានរកឃើញ បន្ទប់លេងបោះប៊ូល ដែលមានអាយុកាល ៣ ២០០ឆ្នាំមុនគ្រិស្តសករាជ ជាមួយនឹង កូនបាល់ទំហំខុសៗគ្នាជាច្រើន ដែលមានរន្ធសម្រាប់ម្រាមដៃ។ ច្បាប់នៃការលេងគឺខុសគ្នា ប៉ុន្តែកីឡាមួយនេះនៅតែអាចចំណាំបាន។

#៨ ពួកគេអាចព្យាបាលភ្នែក

ការឆ្លងរោគភ្នែក គឺជាជំងឺទូទៅក្នុងចំណោមប្រជាជនអេហ្ស៊ីប។ ពួកគេបានប្រើវិធីសាស្ត្រព្យាបាលជាច្រើនខុសៗគ្នា និងជួនកាលចម្លែកៗ ដូចជា ប្រើថ្នាំលាបបាក់តេរី និងថ្នាំព្យាបាលដែលធ្វើពីខួរក្បាលមនុស្ស ជាដើម៕

ចុចអាន៖

ប្រភព៖ Brightside ប្រែសម្រួល៖ សេង ឡុង