កំពូលតារាបង្ហាញម៉ូដកម្ពុជា
- 2014-11-12 13:30:28
- ចំនួនមតិ 0 | ចំនួនចែករំលែក 0
កំពូលតារាបង្ហាញម៉ូដកម្ពុជា
ចន្លោះមិនឃើញ
ស្ថានីយទូរទស្សន៍ MyTVរៀបចំការប្រកួតជាអន្តរជាតិលើកដំបូងបង្អស់សម្រាប់នារីវ័យក្មេងទូទាំងប្រទេសកម្ពុជាដែលមានក្ដីសុបិនចង់ក្លាយជាកំពូលតារាបង្ហាញម៉ូដដើម្បីប្រកួតប្រជែងដណ្ដើមពានរង្វាន់ដ៏មានកិត្យានុភាពជា“កំពូលតារាបង្ហាញម៉ូដកម្ពុជា”។
បេក្ខនារីរាប់ពាន់នាក់អាយុចន្លោះពី១៨ ឆ្នាំ ដល់២៧ឆ្នាំ និងកម្ពស់ចាប់ពី ១,៦៥ម៉ែត្រ ឡើងទៅមកពីទូទាំងប្រទេស ដែលដាក់ពាក្យសុំចូលរួមប្រកួតពីខែកុម្ភៈដល់ខែមិថុនា ឆ្នាំ២០១៤ ហើយក្នុងចំណោមរាប់រយនាក់នេះមានតែបេក្ខនារីដែលមានសំណាង និងសក្ដានុពល ៣៥នាក់ ប៉ុណ្ណោះដែលត្រូវបានជ្រើសរើសមកប្រកួតនៅវគ្គជម្រុះរយៈពេល២ថ្ងៃ គឺថ្ងៃទី១៤-១៥ ខែមិថុនាឆ្នាំ២០១៤នៅឯសណ្ឋាគារ កាំបូឌីយ៉ាណា ដើម្បីជ្រើសរើសយកតែ ១៥នាក់សម្រាប់ការប្រកួតនៅវគ្គផ្ដាច់ព្រ័ត្រ។ នៅទីបញ្ចប់នៃការប្រកួតជយលាភីតែមួយរូបគត់ដែលនឹងទទួលបានពានរង្វាន់អមដោយប្រាក់រង្វាន់សរុប ២០.០០០ដុល្លារអាមេរិក និងឱកាសអាជីពដ៏មានអនាគតនៅក្នុងវិស័យបង្ហាញម៉ូដនេះ។
កម្មវិធីប្រឡងជ្រើសរើសកំពូលតារាបង្ហាញម៉ូដ ដែលរៀបចំដោយស្ថានីយទូរទស្សន៍ម៉ាយធីវីដែលមានអ្នកនាង យុគ ចិន្ដា ជាពិធីការិនីដ៏ល្បីល្បាញរបស់កម្ពុជាតាមដានជីវិតរបស់បេក្ខនារីទាំង១៥រូប ដែលរស់នៅក្នុងផ្ទះរបស់កម្មវិធី ”កំពូលតារាបង្ហាញម៉ូតកម្ពុជា” ក្នុងរយៈពេល ១៦សប្ដាហ៍ ខណៈដែលពួកគេនឹងត្រូវប្រែក្លាយខ្លួនពីនារីដែលមានរូបសម្ផស្សស្អាតធម្មតាទៅជាតារាបង្ហាញម៉ូដអាជីពតាមរយៈការអនុវត្តកិច្ចការនិងលំហាត់បង្ហាញម៉ូដជាច្រើន។
កម្មវិធីនេះបង្ហាញជូននូវឈុតនានានៃការបង្ហាត់បង្រៀនការដើរបង្ហាញម៉ូដនិងជំនាញទាន់សម័យដែលចែករំលែកដោយអ្នកជំនាញនិងតារាជើងចាស់ខណៈដែលតារាបង្ហាញម៉ូដនឹងត្រូវធ្វើតេស្តតាមរយៈលំហាត់ដ៏លំបាកៗដើម្បីឈ្នះរង្វាន់ប្រចាំសប្ដាហ៍។បន្ទាប់មកបេក្ខនារីត្រូវថតរូបភាពឬថតស្ពតពាណិជ្ជកម្មទូរទស្សន៍ដោយផ្អែកលើប្រធានបទនិងគោលគំនិតច្នៃប្រឌិតប្លែកៗហើយរៀងរាល់សប្ដាហ៍នីមួយៗបេក្ខនារីមួយរូបនឹងត្រូវជម្រុះចេញពីកម្មវិធីដោយអាស្រ័យលើគុណភាពរូបថតនិងការអនុវត្តទូទៅរបស់ខ្លួន។
បេក្ខភាព ១៥នាក់សម្រាប់ការប្រកួតនៅវគ្គផ្ដាច់ព្រ័ត្រ
ក្នុងគោលបំណងដើម្បីលើកកម្ពស់វិស័យបង្ហាញម៉ូដនៅកម្ពុជានិងលើកកម្ពស់ចំណេះដឹងនិងជំនាញទាក់ទងនឹងម៉ូដទាន់សម័យរបស់ទាំងបេក្ខនារីនិងទាំងអ្នកទស្សនាកម្មវិធីនេះនឹងត្រូវថតនៅទីតាំងខុសៗគ្នានៅទូទាំងប្រទេសកម្ពុជា។ជាមួយគ្នានេះដែរដើម្បីត្រៀមលក្ខណៈបេក្ខនារីសម្រាប់ការដើរបង្ហាញម៉ូដលើឆាកអន្តរជាតិបេក្ខនារីឆ្នើមមួយចំនួននឹងមានឱកាសធ្វើដំណើរទៅក្រៅប្រទេសដើម្បីបន្តការប្រកួតបង្ហាញម៉ូដ ផងដែរ។កម្មវិធីនេះចាប់ផ្ដើមថតនៅខែមិថុនាឆ្នាំ២០១៤ហើយនឹងត្រូវចាក់ផ្សាយចាប់ពីថ្ងៃសុក្រទី១៤ខែវិច្ឆិកាឆ្នាំ២០១៤នេះតទៅនៅលើកញ្ចក់ទូរទស្សន៍ MyTV។
លោកលីអុងម៉ារឌីសហផលិតករនៃកម្មវិធីនិយាយអំពីការប្រលងនេះថាមិនមែនសម្រាប់តែតារាបង្ហាញម៉ូដប៉ុណ្ណោះនោះទេ។ បេក្ខនារីទាំងអស់ នឹងទទួលបានអាជីពផ្សេងៗដែលមានសក្ដានុពលនៅចុងបញ្ចប់នៃកម្មវិធី។
គណៈមេប្រយោគដែលរួមមានពិធីករ យុគចិន្ដា, អ្នករចនាម៉ូដទាន់សម័យអន្តរជាតិហ៊ូររ៉េមី, តារាបង្ហាញម៉ូដដ៏ល្បីរបស់កម្ពុជា គួយ ច័ន្ទដានិច, និងអ្នកថតរូបបង្ហាញម៉ូដនិងអ្នកដឹកនាំការសម្ដែងលោកចែម វុឌ្ឍសុវិន្ទ នឹងកំណត់ថាតើបេក្ខនារីណាដែលត្រូវបន្តនៅ និងបេក្ខនារីណាដែលត្រូវចាកចេញពីការប្រលង។
លោកចែម វុឌ្ឍសុវិន្ទ មានប្រសាសន៍ថា“ការប្រលងជ្រើសរើសកំពូលតារាបង្ហាញម៉ូដកម្ពុជានេះនឹងផ្ដល់ឱកាសឲ្យបេក្ខនារីប្រលងបានឃើញពីវិស័យបង្ហាញម៉ូដដែលមានស្តង់ដារខ្ពស់ពិតប្រាកដ ហើយខ្ញុំជឿជាក់ថាបេក្ខនារីយើងនឹងមានភាពចាស់ទុំក្នុងអាជីពបង្ហាញម៉ូដនេះតាមរយៈការបង្ហាត់បង្រៀនទាំងឡាយដែលពួកគេនឹងចូលរួម។ហើយរូបខ្ញុំផ្ទាល់ដែលជាអ្នកថតរូបការបង្ហាញម៉ូដនិងគណៈមេប្រយោគដទៃទៀតដែលមានបទពិសោធន៍ធ្វើការជាមួយតារាបង្ហាញម៉ូដជាតិនិងអន្តរជាតិនឹងផ្ដល់មតិរិះគន់ស្ថាបនានិងដំបូន្មានដើម្បីធ្វើឲ្យបេក្ខនារីទាំងអស់ក្លាយជាតារាបង្ហាញម៉ូដអាជីពដែលមានជោគជ័យទៅថ្ងៃមុខទោះបីពួកគេឈ្នះឬមិនឈ្នះនៅក្នុងការប្រលងនេះក្ដី”។
កម្មវិធីប្រលងជ្រើសរើសកំពូលតារាបង្ហាញម៉ូដកម្ពុជាយកលំនាំតាមកម្មវិធីកំពូលតារាបង្ហាញម៉ូដអាមេរិកដែលទទួលជោគជ័យនៅលើពិភពលោកនិងដែលចាក់ផ្សាយនៅក្នុងជាង២០ប្រទេស ជុំវិញពិភពលោក។កម្មវិធីកំពូលតារាបង្ហាញម៉ូតនេះផលិតដោយពិធីការិនីនិងអតីតកំពូលតារាបង្ហាញម៉ូដសហរដ្ឋអាមេរិច Tyra Banks៕
សម្រាប់ព័ត៌មានបន្ថែមសូមទាក់ទង៖ លោក លីអុងម៉ារឌី ផលិតករ-សហផលិតករកម្មវិធី“តារាបង្ហាញម៉ូតកម្ពុជា” ទំនាក់ទំនង:០១២ ៣៦០៣៣០ អ៊ីម៉ែល:lyonzemardy@ctn.com.kh
អត្ថបទ៖ ពាណិជ្ជកម្ម
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
