Tango និង ARCore កំពុងប្រជែងគ្នាអភិវឌ្ឍបច្ចេកវិទ្យា AR លើ Android

2017-12-22 03:47:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយប្រកាសគម្រោង Tango អាចប្រើប្រាស់បានទូទៅប៉ុន្មានសប្តាហ៍ ក្រុមហ៊ុន Google បានបង្ហាញ ARCore ជា Platform សម្រាប់បង្កើតកម្មវិធីលក្ខណៈ AR។ ការប្រកាសរបស់ Google ធ្វើឡើងក្រោយ Apple ចេញនូវ ARKit របស់ខ្លួន ដែលផ្តល់នូវ AR ទៅ Apple device រាប់លានគ្រឿងតាមកំណែទម្រង់កម្មវិធី (Software update) ដោយផ្តល់ជម្រើសច្រើនសម្រាប់ Developer ក្នុងការដំណើរការកម្មវិធីលើនោះ។

បច្ចុប្បន្ន មាន Device តែពីរប៉ុណ្ណោះប្រើ Tango រួមមាន Lenovo Phab 2 Pro និង Asus Zenfone AR ដែលបានពង្រឹងសមត្ថភាពលើកម្មវិធីលក្ខណៈ AR ជាមួយ Hardware បន្ថែមរួមមាន Barometer, កាមេរ៉ា Motion-tracking និងកាមេរ៉ា Infrared depth-sensing។ ARCore នឹងដំណើរការលើទូរស័ព្ទប្រើ Android ជាច្រើន ដោយមិនតម្រូវ Hardware បន្ថែមនោះទេ។

Tango មានសមត្ថភាពច្រើនដោយមានតាំងពី ២០១៤ តែចំនួនកម្មវិធី AR លើ Device នៅមានកម្រិត។ ដោយវត្តមាន ARCore ត្បិតក្នុងជំនាន់ Beta ក្រុមហ៊ុន Google បានសម្រេចចិត្តបិទ Tango ត្រឹមថ្ងៃទី ១ ខែមីនា ឆ្នាំ ២០១៨។

ចុះបច្ចេកវិទ្យាទាំងពីរនេះខុសគ្នាដូចម្តេច?

Hardware បានសម្រាំងក្នុងការប្រើ Tango ធ្វើឲ្យវាមានល្បឿនលឿន និងមានភាពត្រឹមត្រូវជាង ARCore។ ជំនួសឲ្យមុខងារតាមដានក្នុងវីដេអូដែល ARCore និង ARKit ធ្វើនោះ Tango ប្រើ Hardware របស់ខ្លួនដើម្បី Compile ផែនទីលក្ខណៈ 3D នៃតំបន់ដែលបានរចនារួច (អាចឲ្យអ្នកដាក់ធាតុអ្វីមួយក្នុងលំហ)។

ARCore និង ARKit ដំណើរការបានល្អលើផ្ទៃរាបស្មើ ដូចជាតុជាដើម ហើយ Tango អាចដំណើរការបានល្អលើផ្ទៃផ្សេងៗ ដូចជាក្នុងបន្ទប់ និងអាគារ។ ថ្វីបើ Tango មានប្រព័ន្ធល្អប្រសើរជាង ARCore ខណៈកម្មវិធីលក្ខណៈ Augmented reality ថ្មីៗនឹងអាចនាំបច្ចេកវិទ្យា AR ទៅកាន់ Device ជាច្រើន។ ក្រុមហ៊ុន Google ទទួលចំណេះដឹងបានច្រើនពី Tango ហើយប្រើចំណេះដឹងនោះដើម្បីពង្រឹងសមត្ថភាព ARCore តែស្ថិតនៅក្នុងជំនាន់ Beta៕