Low-pass filter អាចជួយអ្វីបានខ្លះលើ Sensor កាមេរ៉ា?

2017-12-21 01:45:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Low-pass filter មានការប្រើប្រាស់លើ Sensor កាមេរ៉ាជាយូរណាស់មកហើយ ដើម្បីការពារដល់ Effect លក្ខណៈ Moiré ពេលអ្នកថតរូប Subject មានរូបក្បាច់ ឬបន្ទាត់ជាក្រឡា។ អ្នកប្រហែលជាធ្លាប់ឃើញលើទូរទស្សន៍ចាស់ ពេលពិធីករពាក់អាវក្រឡាការ៉ូ ដោយបន្ទាត់បញ្ឈរ ឬផ្តេកទាំងនោះប៉ះទង្គិចទៅនឹងសំណុំចតុកោណនៃរូបភាពលើ Sensor កាមេរ៉ា។

បច្ចុប្បន្ន Sensor មានកម្រិត Resolution ខ្ពស់ ដូច្នេះវាត្រូវការរូបភាពមានក្បាច់បង្ហាញច្រើនក្នុងការផលិត Effect លក្ខណៈ Moiré តែតាមទ្រឹស្ដីវានៅតែកើតឡើងពេលអ្នកថតក្រណាត់ត្បាញ ឬរូបភាពមានក្រឡាជាចតុកោណ។

បញ្ហាកើតមានមិនត្រឹមលើរូបភាពមានក្រឡាការ៉ូនោះទេ សំណុំពណ៌ផ្សេងៗដែលដាក់ពីលើរូបភាពដើម្បីផលិតរូបភាពមានពណ៌ពេញលេញក៏មានបញ្ហាផងដែរ។ សំណុំពណ៌ឆ្លាសគ្នា ជាមួយនឹងរូបភាពមានក្រឡាមានពណ៌បៃតង ពណ៌ក្រហម និងពណ៌ខៀវ អាចធ្វើឲ្យពណ៌ឆ្លងគ្នា។

Low-pass filter ធ្វើអ្វីបាន

Low-pass filter អាចឲ្យប្រេកង់កម្រិតទាបឆ្លងកាត់តាមរយៈភាពលម្អិត (គ្រាប់តូចៗ) តែរារាំងដល់ប្រេកង់កម្រិតខ្ពស់ (គ្រាប់តូចៗល្អិត)។ ជាសង្ខេប Low-pass filter ធ្វើឲ្យព្រាលភាពលម្អិតកម្រិត Pixel ដើម្បីកាត់បន្ថយ ឬរារាំង Effect លក្ខណៈ Moiré ហើយការធ្វើឲ្យលក្ខណៈស្រទន់ស្រាលអាចកែបានជាមួយការធ្វើឲ្យរូបភាពច្បាស់បន្ថែមពេលក្រោយ។

អស់រយៈពេលជាយូរ Low-pass filters ជាផ្នែកចាំបាច់មួយនៃការរចនា Sensor ប៉ុន្តែ Nikon បានចាប់ផ្តើមចេញកាមេរ៉ាដូចជា D7100 និង D800E ដោយមិនមាន Low-pass filter។ Nikon បង្ហាញថាលក្ខណៈ Pixel នៃ Sensor កម្រិត Resolution ខ្ពស់ថ្មីបំផុតពុំមានបញ្ហាអ្វីនោះទេជាមួយនឹង Effect លក្ខណៈ Moiré។

ដូច្នេះប្រហែលជាមិនត្រូវការ Low-pass filter ទៀតទេ

ទាំងនោះមិនមែនបានន័យថា Moiré មិនអាចកើតមាននោះទេ។ កម្មវិធីមួយចំនួនមានជម្រើសក្នុងការជួសជុលសម្រាប់រូបភាពបង្ហាញ Effect បែបនោះ ហើយកាមេរ៉ា Pentax មាននូវ Anti-aliasing filter simulator។ Pentax DSLR sensor មិនមាន Low-pass filter តែអាច ប្រើនូវប្រព័ន្ធ Sensor-shift Shake Reduction ដើម្បីប្រើប្រាស់លើចលនា Sensor មានប្រេកង់ខ្ពស់ដ៏តូច កំឡុងពេល Exposure ក្នុងការក្លែងជា Effect នៃ Low-pass filter។ ពេល Nikon ចេញ D800 វាមាន Low-pass filter ពីលើ Sensor តែ Nikon ក៏ចេញនូវ D800E ដោយគ្មាន Filter។ Canon ផ្តល់នូវពីរជំនាន់នៃ EOS 5DS ដោយម៉ូដែលធម្មតាមាន Low-pass filter ពីលើ Sensor ខណៈ EOS 5DS R មាន Low-pass cancellation filter។ Foveon sensor របស់ Sigma ប្រហែលផលិតរូបភាពកម្រិត Resolution ទាបជាងកាមេរ៉ាធម្មតា តែគ្មានសំណុំ Filter ពណ៌លើ Sensor ហើយក៏មិនត្រូវការ Low-pass filter ផងដែរ។ Fujifilm មិនប្រើប្រាស់ Low-pass filters សម្រាប់ Sensor X-Trans ដោយអះអាងថា X-Trans រចនាឡើងដោយមានសំណុំ Filter ពណ៌មួយ (Unique) អាចកាត់បន្ថយហានិភ័យនៃ Effect របស់ Moiré៕