សម្ភារៈទាំងនេះ អាចជារបស់ដែលអ្នកថតរូបត្រូវការបំផុត

2017-12-20 03:20:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លើទីផ្សារមានផលិតផលជាច្រើនទាក់ទងនឹងការថតរូប ដែលអ្នកប្រហែលជាចំណាយលុយមិនតិចនោះទេក្នុងការវិនិយោគសម្រាប់ប្រើប្រាស់ទូទៅ និងក្នុងអាជីពការងារ។ អ្នកអាចពិនិត្យមើលឧបករណ៍ទាក់ទងនឹងការថតរូបខាងក្រោម ជាយោបល់សម្រាប់ការជ្រើសរើស ឬគ្រាន់ជាចំណេះដឹងមួយផ្នែក។

១. Hasselblad H6D-100c

បច្ចុប្បន្ន CMOS sensor ទំហំ 100MP ជាកម្រិតគុណភាពខ្ពស់បំផុតកាមេរ៉ាមានលើទីផ្សារ។ កាមេរ៉ាប្រភេទ H6D ប្រើពណ៌ 16-bit មាននូវកម្រិត Dynamic range 15 stops និងប្រើ Sensor ទំហំ 100MP ដែលអាចថតបានយ៉ាងល្អ។

កាមេរ៉ាមាន Card slots ពីរអាចប្រើបានជាមួយ CFast ផ្តល់ផលល្អដោយសារមានល្បឿនខ្ពស់ក្នុងការបញ្ជូទិន្នន័យ ដែលត្រូវការពេលថតកម្រិត UHD។

២. Gitzo Tripod

ដូចទៅនឹងរថយន្តស៊េរីទំនើបកម្រិតខ្ពស់ដែរ Gitzo tripod មានតែចំនួន ១,៩១៧ គ្រឿងតែប៉ុណ្ណោះ។ វាមានពណ៌ខ្មៅ និងពណ៌ស្រដៀងពណ៌ទឹកប្រាក់ ព្រមទាំងរចនាជើងទម្រងពីសរសែកាបូនសម្រាប់ភាពរឹងមាំ និងកាត់បន្ថយទម្ងន់ ក៏ដូចជាជើងភ្ជាប់កាមេរ៉ានៅកណ្តាលថ្មី ដែលល្អសម្រាប់យកប្រើពេលដំណើរកម្សាន្ត។

៣. Leica Q

កាមេរ៉ា Leica លក្ខណៈធម្មតាមានតម្លៃស្ទើរតែដូចទៅនឹង DSLRs ពីក្រុមហ៊ុនផលិតធំមួយរបស់ជប៉ុន។ Leica Q មានរូបរាងទាន់សម័យ, លក្ខណៈ Full-frame, CMOS sensor ទំហំ 24MP ដែលបានក្រិតតាមខ្នាតច្បាស់លាស់សម្រាប់ Lens របស់វាស្ទើរតែស្មើទៅនឹង Leica Summilux 28mm f/1.7។ វាមានកម្រិត iOS ដល់ទៅ ៥០,០០០ និងមាន Autofocus ចាប់បានល្អ។

៤. DJI Inspire 2 ជាមួយនឹងកាមេរ៉ា X5S

DJI មានមុខងារប្រើប្រាស់កម្រិតគុណភាពលក្ខណៈអាជីពជាច្រើន។ វាមានថ្មពីរមានសមត្ថភាពផ្តល់ល្បឿនដល់ទៅ 58mph និងអាចហោះហើរដល់ទៅ ២៧នាទី។ ម្យ៉ាងទៀត វាក៏មាន Infrared sensor និង បច្ចេកវិទ្យាត្រួតពិនិត្យការប៉ះទង្គិច ដើម្បីធានាដល់ការថតមិនមានការរំខានដោយឧបហេតុផ្សេងៗ។ លើសពីនេះវាមានមុខងារ Intelligent flight mode, Object-tracking mode និងមុខងារឆ្លាតវៃក្នុងការហោះវិលមកផ្ទះវិញ។

៥. Zeiss Otus 55mm f/1.4

Lens នេះត្រូវបានរចនាផ្តល់នូវគុណភាពមួយសម្រាប់កាមេរ៉ាកម្រិតមធ្យម ទៅកាន់កាមេរ៉ា DSLR របស់ Canon និង Nikon។ ដោយសារ Aperture ល្បឿនលឿនធំបំផុត f/1.4 មានន័យថាការថតលក្ខណៈ Bokeh នឹងមើលទៅល្អប្រសើរ។ យ៉ាងណាមិញ Lens នេះពុំមាននូវមុខងារទប់លំនឹង ឬ Autofocus នោះទេ ហើយប្រសិនបើអ្នកចង់បានមុខងារទាំងនេះអាចចំណាយលុយលើ Lens ផ្សេងបាន។

៦. Red Weapon Monstro

Buttery-smooth កម្រិតច្បាស់ភាគច្រើនត្រូវបានថតលើ កាមេរ៉ា Red និង Weapon 8K។ ជម្រើសសម្រាប់ Monstro 8K VV sensor ថ្មីមានសមត្ថភាពថតរូបលក្ខណៈ Motion និងធម្មតាក្នុងកម្រិត 8K 2.4:1 ដល់ទៅ 75 Frames ក្នុងមួយវិនាទី ឬ 8K Full Format នៅ 60 Frames ក្នុងមួយវិនាទី។ មួយវិញទៀត វាមានអត្រាល្បឿនទិន្នន័យលឿនដល់ទៅ 300MB ក្នុងមួយវិនាទី, មានកម្រិត Resolution 8K ទំហំ Sensor 35.4MP និង Dynamic range 17+ stops។

៧. Compagnon Weekender

វាជាប្រភេទកាតាបសម្រាប់ដាក់នូវសម្ភារៈថតរូបងាយស្រួលយកទៅគ្រប់ទីកន្លែង។ អ្នកអាចដាក់នូវតួកាមេរ៉ា DSLR ប្រភេទ Full frame ពីរ ទៅបី និង Lens ពីរ ទៅបួនអាស្រ័យលើទំហំ។

៨. Canon imagePROGRAF iPF5100

ជាម៉ាស៊ីនផ្ដិតរូបភាពប្រើក្នុងផ្ទះ ផ្តល់នូវពណ៌បានច្បាស់ល្អ ហើយសម្រាប់ Plugin លើ Photoshop អាចឲ្យអ្នក Export រូបភាពប្រភេទ RGB 16-bit ដោយផ្ទាល់ទៅកាន់ Printer។

៩. Rotolight Anova Pro 2

អ្នកអាចបំភ្លេចនូវ Flashgun បានដោយមាន Anova PRO 2 ពី Rotolight ជាទម្រង់មួយនៃ LED studio និងពន្លឺខាងក្នុងដែលក៏រួមបញ្ចូលទាំង HSS flash ផងដែរ។ វាមានកម្រិតពន្លឺដល់ទៅ 10,700 lux ដោយប្រើថាមពល 72W។ Anova Pro 2 ផ្តល់នូវពណ៌ស្រទន់ស្អាតល្អមួយ ហើយក៏ផ្តល់នូវ High-Speed Sync (HSS) flash ដែលអាចឲ្យអ្នកប្រើ Shutter speed ដល់ទៅ 1/8000 sec៕