មកដឹង ប្រពៃណីបុណ្យ Christmas ចម្លែកបំផុតទាំង ៦ ជុំវិញពិភពលោក

2017-12-22 08:20:02
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សគ្រប់រូបមានវិធីផ្សេងៗគ្នាដើម្បីអបអរសាទរពិធីបុណ្យ Christmas ជារៀងរាល់ឆ្នាំ។ អ្នកប្រហែលជាធ្លាប់ដឹងរួចមកហើយពីការលេងដូរកាដូគ្នានៅក្នុងថ្ងៃនៃពិធីបុណ្យនេះ ប៉ុន្ដែអ្នកប្រហែលជាមិនដឹងទេថា នៅប្រទេសផ្សេងទៀតនៅលើពិភពលោក មានការអបអរសាទរបុណ្យ Christmas ផ្សេងៗគ្នា។ ខាងក្រោមនេះ គឺជាប្រពៃណីបុណ្យ Christmas ចម្លែកបំផុតទាំង ៦ នៅជុំវិញពិភពលោក ៖

១. ជិះស្គីជុំគ្នានៅ វ៉េណេហ្ស៊ុយអេឡា

មនុស្សជាច្រើនតែងតែមកជួបជុំគ្នានៅព្រះវិហារក្នុងថ្ងៃ Christmas ប៉ុន្តែ នៅទីក្រុង ការ៉ាកាស ប្រទេស វ៉េណេស៊ុយអេឡា ប្រជាជនមានប្រពៃណីផ្សេង ដោយជិះស្គីដើម្បីទៅជួបជុំគ្នានៅព្រះវិហារជំនួសវិញ។ វាបានក្លាយទៅជាការពេញនិយមក្នុងប្រទេស ដូច្នេះផ្លូវថ្នល់ត្រូវបានគេបោសសំអាតដើម្បីបង្កើតជាផ្លូវសម្រាប់ជិះស្គី។

២. KFC ក្នុងប្រទេស ជប៉ុន

ប្រទេសជប៉ុនមិនមែនជាប្រទេសមួយ ដែលប្រជាពលរដ្ឋភាគច្រើនប្រារព្ធពិធីបុណ្យ Christmas នោះទេ ដោយសារតែប្រជាជនភាគច្រើនមិនកាន់សាសនាយេស៊ូ។ ប៉ុន្តែចំពោះអ្នកដែលកាន់សាសនានេះវិញ ពួកគេបានធ្វើយុទ្ធនាការផ្សាយពាណិជ្ជកម្មដ៏ជោគជ័យយ៉ាងខ្លាំងនៅក្នុងទសវត្សឆ្នាំ ១៩៧០ ហើយបាននាំគ្នាប្រារព្ធប្រពៃណីគួរឱ្យរីករាយមួយគឺ KFC Christmas Eve ដែលជាការជូនមាន់បំពង KFC ដល់គ្នាទៅវិញទៅមក។

៣. រូបបុរសបន្ទោរបង់នៅតំបន់ កាតាឡាន់

នៅក្នុងប្រទេសផ្សេង រូបតំណាងកំណើតភាគច្រើនគឺជា រូបទេវតា ម្រេញគង្វាល និងទារករបស់ព្រះយេស៊ូ។ ប៉ុន្តែនៅតំបន់កាតាឡាន់ (តំបន់ស្វយ័តមួយនៅប្រទេសអេស្ប៉ាញ) រូបតំណាងកំណើត បែរជារូបរបស់បុរសម្នាក់កំពុងបន្ទោរបង់ទៅវិញ ហើយកុមារជាច្រើននាំគ្នាលេងរូបនេះ ពេលបុណ្យណូអែល។

៤. ការតុបតែងសំបុកពីងពាងក្នុងប្រទេស អ៊ុយក្រែន

ប្រពៃណីនេះកើតឡើងដោយសារ រឿងព្រេងបុរាណមួយដែលស្ត្រីក្រីក្រម្នាក់មិនមានលទ្ធភាពទិញគ្រឿងតុបតែងបុណ្យ Christmas បាន ដូច្នេះហើយនាងក៏បានចូលដេកដោយមិនបានតុបតែងដើម Christmas នោះទេ។ នៅពេលនាងភ្ញាក់ឡើង នាងបានឃើញពីងពាងបានធ្វើសំបុកជុំវិញដើមឈើនោះ។ ប្រពៃណីនេះ មើលទៅមិនស្រស់ស្អាតទេ ប៉ុន្តែវាហាក់ដូចជាមានវេទមន្តអញ្ចឹង។

៥. សិល្បៈតុបតែបន្លែក្នុងប្រទេស ម៉ិកស៊ីកូ

នៅថ្ងៃទី ២៣ ខែធ្នូ ប្រជាពលរដ្ឋនៅទីក្រុង Oaxaca ប្រទេសម៉ិកស៊ីកូតែតែប្រារព្ធធ្វើការប្រកួតប្រជែងចម្លាក់មួយ។ អ្នកស្រុកប្រកួតប្រជែងគ្នាដើម្បីធ្វើឱ្យរូបចម្លាក់របស់ពួកគេមានរូបរាងស្រស់ស្អាតបំផុត ហើយអ្នកឈ្នះនឹងទទួលបានរូបថតរបស់ពួកគេនៅលើក្រដាស។

៦. ដើម Christmas ផ្លែឈើនៅប្រទេស ឥណ្ឌា

នៅប្រទេសឥណ្ឌា មានប្រជាជនតិចតួចប៉ុណ្ណោះដែលកាន់សាសនាយេស៊ូ (តែ ២,៣%ប៉ុណ្ណោះ) ប៉ុន្តែនៅតែមានមនុស្ស ២៥ លាននាក់កាន់សាសនានេះដែរ។ ពួកគេបានយកដើមចេក ឬដើមស្វាយ ដើម្បីធ្វើជាដើម Christmas របស់ពួកគេ៕