កាន់តែពិសេស រថយន្ត Lamborghini បញ្ចុះតម្លៃជាច្រើន បើអ្នកយក Bitcoin ទៅទិញ

2017-12-25 01:56:45
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីទីផ្សាររូបិយប័ណ្ណឌីជីថល Bitcoin ដោយក្នុងមួយឯកតាត្រឹម ២០០ ដុល្លារ រហូតទល់បច្ចុប្បន្នឡើងដល់ ១៥,០០០ ដុល្លារ ធ្វើឲ្យផ្ទុះការចាប់អារម្មណ៍យ៉ាងសម្បើមពីផ្សារភាគហ៊ុនសកល។ ផ្អែកតាមគេហទំព័រ Moonlambos បានបង្ហោះពីការទទួលទិញនូវកាក់ Bitcoin ដើម្បីប្ដូរយករថយន្តសេដ្ឋី Lamborghini។

រថយន្ត Lamborghini ដែលមានតម្លៃស្មើ ២៦.០៤ BTC

ពួកគេបានសហការជាមួយក្រុមហ៊ុនចែកចាយរថយន្តនៅសហរដ្ឋអាមេរិកនិងតំបន់អឺរ៉ុប ដើម្បីលក់រថយន្ត Lamborghini តាមរយៈកាក់ Bitcoin និង Ethereum។ ប្រសិនបើអ្នកមាន Bitcoin ចំនួន ៩.៧២ ឯកតា ដែលស្មើនឹងតម្លៃ *១៥០,០០០ ដុល្លារ* អ្នកអាចប្ដូរយកត្រកូល **Gallardo LP 57-4 Superleggera Coupe** មួយគ្រឿង ដោយជាធម្មតាបើទិញលុយសុទ្ធស៊េរីឆ្នាំ ២០១៣ មួយនេះ ថ្លៃជាង ២៤០,០០០ ដុល្លារឯណោះ។

មិនតែប៉ុណ្ណោះក្នុងទីក្រុងឌូបៃឯណោះវិញ ប្តីប្រពន្ធមួយគូអ្នកស្រី Michelle Mone និងលោក Doug Barrowman បានបង្កើតសេវាកម្មទិញដូរអចលនទ្រព្យតាមរយៈរូបិយប័ណ្ណឌីជីថល ដោយសម្រាប់ប្រភេទ Apartment ខ្នាតតូច មានបន្ទប់គេង ២ ស្ថិតនៅទីតាំង Dubai Science ប្រកាសដូរជាមួយ Bitcoin ចន្លោះពី ១៨-២០ កាក់ ដែលថ្លៃជាង ៣០០,០០០ ដុល្លារ ។