តួអង្គសត្វចម្លែកក្នុងរឿង “Star Wars: The Last Jedi” ច្នៃរូបរាងចេញពីសត្វណាខ្លះ?

2017-12-26 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង “Star Wars: The Last Jedi” ជារឿងដែលទទួលបានប្រជាប្រិយភាពយ៉ាងខ្លាំងចាប់តាំងពីថ្ងៃបើកដាក់បញ្ចាំងលើកដំបូងមកម្ល៉េះ។ មិនត្រឹមតែតួអង្គ ទស្សនីយភាពលើលំហអាកាសនោះទេដែលទាក់ចិត្តទស្សនិកជនអ្នកទស្សនានោះ ជាពិសេសនោះគឺសត្វចម្លែកៗដែលបានបញ្ចូលជាចំណែកតួអង្គក្នុងរឿងនោះ ពិតជាគួរឲ្យស្រលាញ់និងចម្លែកទាក់ភ្នែកខ្លាំង។

សត្វចម្លែកដែលមានក្នុងរឿងនេះទាំងប៉ុន្មានប្រិយមិត្តមិនអាចស្វែងរកនៅភពផែនដីនេះបានទេ ព្រោះទាំងនេះជាជាភាពច្នៃប្រឌិតរូបរាងថ្មីឡើងរបស់អ្នកនិពន្ធដោយច្នៃចេញពីរូបរាងសត្វដែលមានជីវិតរស់រានពិតប្រាកដលើផែនដី។

១. សត្វ Vulptex យករូបរាងតាមសត្វកញ្ជ្រោងនៅតំបន់អាកទិច

Vulptex ជាសត្វមួយប្រភេទនៅក្នុងរឿងដែលខ្លួនរបស់វាគ្របដណ្ដប់ទៅដោយអំបិលគ្រីស្តាល់។ សត្វនេះត្រូវបានយករូបរាងឡើងតាមសត្វកញ្ជ្រោងនៅតំបន់អាកទិច។ សត្វកញ្ជ្រោងប្រភេទនេះ ខ្លួនរបស់វាគ្របដណ្ដប់ទៅដោយរោមសំឡីពណ៌ស ហើយអាចទ្រាំទ្រនឹងសីតុណ្ហភាពត្រជាក់រហូតដល់ទៅ-៥០ អង្សាឯណោះ។

២. សត្វ Fathiers យករូបរាងពីសត្វសេះ ឆ្កែ ឆ្មានិងតោ

សត្វ Fathiers នៅក្នុងរឿងជាសត្វមានរូបរាងធំមហិមា ដែលអាចឲ្យមនុស្សជិះបាននោះ គឺត្រូវបានច្នៃរូបរាងឡើងដោយការរួមបញ្ចូលគ្នានូវរូបរាងរបស់សត្វសេះ ឆ្កែ ឆ្មា និងតោរួមបញ្ចូលគ្នា។

៣.ពពួក Caretakers យករូបរាងតាមគីង្គក់ប្រទេសអាមេរិក

ពពួក Caretakers ដែលរស់នៅលើកោះ Ahch-To របស់ Luke Skywalker នោះត្រូវយករូបរាងតាមពពួកថលជលិកសត្វ។ អាចនិយាយបានថាវាមានរូបរាងដូចគ្នាទៅនឹងពពួកសត្វគីង្គក់របស់ប្រទេសអាមេរិក។

៤. សត្វ Porg យករូបរាងតាមពពួកសត្វPuffin

នៅក្នុងរឿង “Star Wars: The Last Jedi” នេះ សត្វ Porg ជាសត្វដែលគួរឲ្យស្រលាញ់ជាងគេក្នុងចំណោមសត្វទាំងអស់។ សត្វនេះដែរ ត្រូវបានឲ្យដឹងថាមានរូបរាងស្រដៀងទៅនឹងសត្វ Puffin ដែលរស់នៅក្នុងតំបន់ អាត្លង់ទិច៕

ប្រភព៖ Inverse ប្រែសម្រួល៖ អន សុភក្ត្រា