MoC News App ថ្មីប្រើប្រាស់មានប្រយោជន៍ហើយអាចឈ្នះរង្វាន់ទៀត

2017-12-26 07:14:23
ចំនួនមតិ 0 | ចំនួនចែករំលែក 0

ចន្លោះមិនឃើញ

MoC News ជា App ដែលបានបង្កើតឡើងដោយក្រសួងពាណិជ្ជកម្ម សម្រាប់ទំនាក់ទំនងដល់សាធារណជន ដើម្បីជំរុញនូវលំហូរព័ត៌មាន កាន់តែច្រើននិងឆាប់រហ័សដល់ប្រជាពលរដ្ឋ គ្រប់ពេលវេលា គ្រប់ទីកន្លែងបន្ថែមលើសពីនេះទៀតអាចដកស្រង់ ព័ត៌មាន និង លិខិតបទដ្ឋាន គតិយុទ្ធនានា ដែលតម្កល់ក្នុង គេហទំព័រ ។

ឯកឧត្តម ប៉ាន សូរស័ក្ត រដ្ឋមន្ត្រីក្រសួងពាណិជ្ជកម្ម បានប្រកាសដាក់ឲ្យប្រើប្រាស់កម្មវិធីទូរសព្ទចល័តរបស់ក្រសួងពាណិជ្ជកម្ម កម្មវិធីទូរសព្ទចល័តថ្មីនេះនឹងជួយរួមចំណែកលើកកម្ពស់ប្រសិទ្ធភាពនៃការផ្សព្វផ្សាយ ចែករំលែកព័ត៌មានឲ្យកាន់តែទូលំទូលាយ រួមមាន សកម្មភាពការងារប្រចាំថ្ងៃរបស់មន្ត្រី និងថ្នាក់ដឹកនាំក្នុងក្រសួងពាណិជ្ជកម្ម សមិទ្ធផលសម្រេចបាន ផលិតផលនានា ។

សកម្មភាពទាំងនេះនិងបង្ហាញឲ្យ សាធារណៈជនបានដឹង និងមានភាពងាយស្រួលដើម្បីឆ្លើយតបទៅនឹងមតិយោបល់តម្រូវការរបស់ប្រជាពលរដ្ឋ ដែលអាចបញ្ចេញមតិផ្ទាល់ ព្រមទាំង ធ្វើ Comment ឬ Like ជាមួយនឹង គណនី Facebook របស់ ក្រសួងពាណិជ្ជកម្ម ដោយមានការភ្ជាប់ ជាស្វ័យប្រវត្តិ ជាមួយកម្មវិធីព័ត៌មានទូរសព្ទចល័តនេះ ជាស្រេច។

អ្នកដែលមាន App ត្រូវបានចុះឈ្មោះ លេខទូរសព្ទ ឬអាចភ្ជាប់ទៅគណនីហ្វេសបុកផ្ទាល់ខ្លួនចំពោះអ្នកដែល សកម្មភាពប្រើប្រាស់ច្រើននិងធ្វើការជ្រើសរើស ដើម្បីទទួលបានរង្វាន់លើកទឹកចិត្តពីក្រសួងពាណិជ្ជកម្ម រយៈពេលមួយខែម្ដង។

App នេះអាចដំណើរការបានចំពោះតែប្រព័ន្ធប្រតិបត្តិការ Android តែប៉ុណ្ណោះចំពោះប្រព័ន្ធប្រតិបត្តិការ iOS មន្ត្រីបច្ចេកទេសរបស់ក្រសួងនឹងធ្វើការអភិវឌ្ឍន៍បន្ថែមនៅពេលឆាប់ៗខាងមុខ។

អាច Download បានសម្រាប់ប្រតិបត្តិការ Android ចុចនៅទីនេះ ។