មូលហេតុ ២ នឹងជំរុញឲ្យទីផ្សារ E-commerce នៅឥណ្ឌាផ្ទុះខ្លាំងក្នុងឆ្នាំក្រោយ

2017-12-27 02:58:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារពាណិជ្ជកម្មអេឡិចត្រូនិក E-commerce របស់ប្រទេសឥណ្ឌានឹងមានការកើនឡើងដល់ ៥០ ប៊ីលានដុល្លារ ក្នុងចុងឆ្នាំ ២០១៨ ព្រោះដោយសារកំណើននៃការប្រើប្រាស់ប្រព័ន្ធអ៊ីនធឺណិតនិងតួលេខកើនឡើងនៃការលក់ទំនិញ Online។ កន្លងទៅនាឆ្នាំ ២០១៤ ប្រទេសមានប្រជាជនរស់នៅច្រើនបំផុតលំដាប់ទី ២ មួយនេះ ទទួលសេដ្ឋកិច្ចទីផ្សារពាណិជ្ជកម្មអេឡិចត្រូនិកប្រហែល ១៣.៦ ប៊ីលានដុល្លារ ហើយបន្តឡើងដល់ ១៩.៧ ប៊ីលានដុល្លារនៅឆ្នាំ ២០១៥។

តួលេខក្នុងឆ្នាំ ២០១៧ អ្នកទិញទំនិញប្រមាណ ៨២ ភាគរយ បានប្រើប្រាស់ទូរសព្ទ កើនឡើងពី ៧៦ ភាគរយនៅឆ្នាំទៅ ក្នុងនោះមាន ៦៥ ភាគរយជាបុរស និង ៣៥ ភាគរយជានារី ហើយភាគរយខ្ពស់បំផុតដល់ ៤២ ភាគរយ ប្រមូលផ្ដុំមនុស្សវ័យចន្លោះ ២៦-៣៥ ឆ្នាំ។

ផ្អែកតាមការសិក្សាទំនិញដែលពេញនិយមបំផុតលើទីផ្សារ e-commerce រួមមានសំលៀកបំពាក់, គ្រឿងអលង្ការ, ឧបករណ៍ប្រើប្រាស់, កាដូ, ទូរសព្ទ ដែលមានតម្លៃធូរថ្លៃនិងបន្ថែមសេវាកម្មដឹកជញ្ជូនដល់គេហដ្ឋាន។