Olympus OM-D E-M10 Mark III មាន Sensor តូចតែថតបានវីដេអូកម្រិត 4K

2017-12-26 02:32:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Sony នៅមានការព្រួយបារម្ភចំពោះផ្នែកកាមេរ៉ា Mirrorless ខណៈក្រុមហ៊ុន Olympus, Panasonic, Fujifilm និង Canon កំពុងប្រកួតប្រជែងលើផ្នែកនេះ ដោយប្រើវិធីសាស្ត្ររាងៗខ្លួន។ ជាមួយនឹងកំណែទម្រង់ថ្មី Olympus OM-D E-M10 Mark III មានតម្លៃសមរម្យ និងអាចផ្លាស់ប្ដូរម៉ូដែល Lens បាន។ កាមេរ៉ានេះសម្រាប់អ្នកប្រើប្រាស់កម្រិតដំបូង តែមាន Features កម្រិតចុងក្រោយមួយចំនួន ដូចជាអាចថតប្រើ Burst shooting ចំនួន ៨.៦ Frames ក្នុងមួយវិនាទី, កម្រិតវីដេអូ 4K និងមានមុខងារ Control ជាច្រើន។

ការរចនា

E-M10 Mark III មានពណ៌ខ្មៅ និងខ្មៅលាយទឹកប្រាក់ ហើយតួកាមេរ៉ាសាមញ្ញ មានទម្ងន់ប្រហែល ០,៤ គីឡូក្រាម គិតរួមទាំងមេម៉ូរីកាត និងថ្ម។ ប្រើ M.Zuiko 14-150mm kit lens បន្ថែមប្រហែលជា ០,២ គីឡូក្រាម និង 17mm f/1.8 ទម្ងន់បន្ថែមប្រហែលជា ០,១ គីឡូក្រាម។ នេះជាគុណសម្បត្តិរបស់ប្រព័ន្ធ Micro Four Thirds ដោយមាន Sensor តូចអាចប្រើសម្រាប់ Lens តូច។ អត្ថប្រយោជន៍ផ្សេងទៀតគឺមានចំនួន Lens ច្រើនអាចប្រើបានសម្រាប់ប្រព័ន្ធនេះ ដោយការផលិតកែវផ្ទាល់ខ្លួនទាំងក្រុមហ៊ុន Olympus និង Panasonic អាចភ្ជាប់ប្រើបានដូចគ្នា។

Mark III ប្រហែលជាប្លែកបន្តិចសម្រាប់អ្នកប្រើប្រាស់មួយចំនួន ជាពិសេសអ្នកប្រើដំបូង ដោយមាន Control ជាច្រើនលើតួខ្លួន រួមមាន Hot shoe (សម្រាប់ភ្ជាប់ Flash និងឧបករណ៍ផ្សេងទៀត), Mode dial ( រំកិលជ្រើសរើសមុខងារ), Command Wheels ចំនួនពីរ (រំកិលជ្រើសរើសមុខងារ), ប៊ូតុងថតរូបភាព និងប៊ូតុងថតវីដេអូ ព្រមទាំងមានប៊ូតុងអាចកំណត់មុខងារខ្លួនឯងបានពីរទៀត។

ផ្នែកខាងក្រោយមាន Viewfinder អេឡិចត្រូនិកប្រភេទ OLED គុណភាពខ្ពស់កម្រិត ២,៣៦ លាន Dot ព្រមទាំងមាន Diopter control។ Diopter control អាចកែប្រែភាពច្បាស់លើ Viewfinder ឲ្យត្រូវនឹងភ្នែកអ្នក តែមិនផ្លាស់ប្ដូរការ Focus លើ Lens កាមេរ៉ានោះទេ។ ខាងក្រោមមានអេក្រង់ Touchscreen ទំហំ 3 inch កម្រិត ១,០៤ លាន Dot។ ថ្មអាចថតបាន ៣៣០សន្លឹកសម្រាប់កាមេរ៉ា Mirrorless តូចនេះ។

ល្បឿន និងគុណភាពរូបភាព

OM-D E-M10 Mark III មាន Micro Four Thirds (MFT) sensor ទំហំ 16MP គូរទៅនឹង TruePic VIII processor។ MFT chips តូចជាង APS-C sensor ដែលមានក្នុងកាមេរ៉ា Mirrorless របស់ក្រុមហ៊ុន Sony, Fujifilm និង Canon។ សម្រាប់ការថតរូបកំសាន្ត មិនជាបញ្ហានោះទេ តែប្រសិនបើអ្នកចង់បានគុណភាពរូបភាពល្អបំផុត អ្នកប្រហែលជាត្រូវរកកាមេរ៉ាផ្សេង។

ចំនុច Autofocus (AF) បានបង្កើនដល់ ១២១ ច្រើនជាងក្នុង E-M10 Mark II ត្រឹម ៨១។ ប្រព័ន្ធ AF ដំណើរការល្អសម្រាប់ Subject មិនមានចលនា តែមិនសូវល្អពេលសកម្មភាពមានចលនាខ្លាំង។ កាមេរ៉ាអាចថតបន្តបន្ទាប់បាន 8.6 Frames ក្នុងមួយវិនាទី ប៉ុន្តែ Focus lock បានតែក្រោយ Frame ទីមួយ។ កាមេរ៉ាប្រើប្រព័ន្ធ Contrast detection តែមួយ ដែលនៅពីក្រោយប្រព័ន្ធ AF របស់ Mirrorless ទំនើបៗដទៃទៀត ដោយប្រើទាំង Phase និង Contrast detection។

កាមេរ៉ានេះមានចំនុចខ្សោយច្រើនទាំងពេលថតរូបសកម្មភាព និងក្រោមកម្រិតពន្លឺទាប។ អ្នកប្រហែលជាមិនអាចពឹងផ្អែកលើប្រព័ន្ធទប់លំនឹងកាមេរ៉ាដើម្បីទទួលបានលទ្ធផលរូបភាពល្អនោះទេ ដោយអ្នកត្រូវការប្រើ Shutter speed លឿនដើម្បីបង្កករូបភាពសកម្មភាព ហើយការបង្កើន ISO នឹងផ្តល់នូវកម្រិត Noise មិនអាចទទួលយកបានដោយ MFT sensor តូចនេះ។ ល្បឿន AF មិនល្អសម្រាប់ Subject មានចលនានោះទេ នឹងកាន់តែមិនល្អក្រោមកម្រិតពន្លឺទាប។

យ៉ាងណាមិញ Mark III ធ្វើការបានល្អដោយមានពណ៌ស្អាត និង Focus បានលឿន។ ពេលអ្នកមាន Subject គ្មានចលនា ប្រព័ន្ធទប់លំនឹងអាចបន្ថយភាពព្រាលពេលអ្នកថតនឹងដៃប្រើ Shutter speed យឺតបាន។

OM-D E-M10 Mark III មានកម្រិត ISO ដើមពី ២០០ ទៅ ៦៤០០ ដែលអាចពង្រីកឡើងចុះពី ១០០ ដល់ ២៥៦០០។ ថ្វីបើមាន MFT chip តូច Mark III គ្រប់គ្រងភាព Noise បានល្អរហូតដល់ ISO ៣២០០។ ប្រសិនបើអ្នកចង់បានកាមេរ៉ាថតក្រោមពន្លឺទាបបានល្អ អ្នកត្រូវការជ្រើសរើស Sensor ធំ។

ក្រុមហ៊ុន Olympus បានផ្តល់កាមេរ៉ានូវកម្រិតវីដេអូ 4K ជាស្តង់ដារ Resolution កម្រិតខ្ពស់ ដោយមានពណ៌ស្អាតល្អ។ វីដេអូដំណើរការមិនសូវល្អនោះទេ សម្រាប់ល្បឿន AF ពេល Subject មានចលនា។

ជារួមកាមេរ៉ា Olympus OM-D E-M10 Mark III ជាជម្រើសល្អសម្រាប់អ្នកថតរូបដំបូង និងថតបែបកំសាន្ត ដោយសារមានទំហំល្មម តម្លៃសមរម្យទៅនឹងសមត្ថភាព និង អាចជ្រើសរើស Lens បានមួយចំនួន។ អ្នកថតរូបសកម្មភាព និងអ្នកថតវីដេអូគួរតែមើលរំលងកាមេរ៉ាមួយនេះ៕