ទើបចាប់ផ្ដើមរៀនសរសេរកូដដំបូងៗ មិនចង់ចំណាយលុយ កុំរំលងគេហទំព័រទាំងនេះ

2017-12-25 02:24:47
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្របនឹងទីផ្សារការងារនៃវិស័យបច្ចេកវិទ្យាកំពុងរីករាលដាល សន្ទុះនៃសិស្សនិស្សិតដែលចាប់យកជំនាញ IT ក៏មានការកើនឡើង។ មូលដ្ឋានគ្រឹះនៃការសិក្សាភាសាកូដដំបូង ពិតជាសំខាន់ បែបនេះហើយ Sabay ចែករំលែកឲ្យអ្នករាល់គ្នាស្គាល់នូវគេហទំព័រ ៣ ដែលបង្រៀននូវអ្វីដែលទាក់ទងនឹងការសរសេរកូដ គួបផ្សំទាំងការសិក្សាឥតគិតថ្លៃ គ្មានដែនកំណត់ថែមទៀតផង។

១.CodeAcademy :

ជាគេហទំព័រពេញនិយមបំផុតក្នុងការសិក្សាពីកូដ ដោយមានមនុស្សជាង ២៤ លាននាក់កន្លងមក ធ្លាប់ទទួលបានចំណេះដឹងនិងបទពិសោធន៍ពីគេហទំព័រមួយនេះ។ CodeAcademy នឹងតម្រង់ទិសអ្នកឲ្យស្វែងយល់ពីមូលដ្ឋានគ្រឹះដំបូងចាប់តាំងពីភាសា HTML & CSS, JavaScript, jQuery, PHP, Python និង Ruby ជាដើម។

២.GitHub :

ពុំមានបុគ្គលជំនាញណាមួយ ដែលអាចចងចាំនូវកូដទាំងអស់បានរហូតនោះទេ ក៏នៅមានពេលខ្លះរាវរកសៀវភៅមកដោះស្រាយបញ្ហាម្តងៗ។ ជម្រើស GitHub នឹងជាតម្រូវការដែលអ្នកចង់បាន ដោយប្រមូលផ្តុំនូវសៀវភៅកូដជាង ៥០០ ក្បាល នៃ ភាសា ៨០ ផ្សេងៗពីគ្នា។ ជាទូទៅអ្នកចូលរួមសហការរមែង Update នូវអ្វីដែលថ្មីចូលគេហទំព័រមួយនេះជាញឹកញយ។

៣.W3School :

ជាគេហទំព័រមួយដែលបង្កើតឡើងតាំងពី ឆ្នាំ ១៩៩៨ អ្នកអាចសិក្សាការសរសេរកូដតាម Online ដោយមានមូលដ្ឋានគ្រឹះនៃភាសាសំខាន់ៗជាច្រើនដូចជា HTML, CSS, JavaScript, PHP, AngularJS, SQL, Bootstrap, Node.js និង jQuery។

មិនតែប៉ុណ្ណោះបន្ទាប់ពីបង្រៀនអ្នកឲ្យចប់មួយមុខវិជ្ជាហើយ អ្នកក៏អាចសាកល្បងដោះស្រាយលំហាត់ទៅតាមកញ្ចប់សិក្សានីមួយៗ ថ្វីបើរកដំណោះស្រាយមិនបាន គេហទំព័រមួយនេះក៏មានផ្តល់នូវជំនួយជាចម្លើយបង្កប់មួយផ្នែកធំផងដែរ។